ໃນວັນທີ 25 ສິງຫາ ທີ່ຜ່ານມາ ທ່ານ ສັນຕິພາບ ພົມວິຫານ ເຈົ້າ ແຂວງສະຫວັນນະເຂດ ພ້ອມດ້ວຍ ທ່ານ ບຸນຍູ້ ທຳມະວົງ ເຈົ້ານະຄອນໄກສອນ ພົມວິຫານ ພ້ອມຄະນະນຳຂອງນະຄອນໄດ້ພ້ອມກັນລົງເບິ່ງສວນສາທາລະນະຢູ່ເຂດວົງວຽນຫຼັກ 6 (ວົງວຽນໄດໂນເສົາ)ເຊິ່ງເປັນອີກຈຸດໜຶ່ງທີ່ສ້າງຄວາມສົນໃຈໃຫ້ແກ່ແຂກຕ່າງ ດ້າວທ້າວຕ່າງແດນທີ່ເຂົ້າມາແຂວງສະຫວັນນະເຂດ ໄດ້ເຫັນຄວາມສວຍງາມຂອງວົງວຽນແຫ່ງດັ່ງກ່າວ, ທັງເປັນສະຖານທີ່ອີກແຫ່ງໜຶ່ງທີ່ຜູ້ຄົນສົນໃຈຖ່າຍຮູບເປັນທີ່ລະນຶກທີ່ໄດ້ມາຢ້ຽມຢາມແຂວງສະຫວັນນະເຂດ.

 

ດັ່ງນັ້ນ, ເພື່ອເຮັດໃຫ້ສະຖານທີ່ແຫ່ງນີ້ມີຄວາມເປັນລະບຽບຮຽບຮ້ອຍ ແລະ ມີຄວາມສວຍງາມ ທ່ານເຈົ້າແຂວງສະຫວັນນະເຂດ ແນະນຳໃຫ້ຄະນະພັກ, ອຳນາດການປົກຄອງນະຄອນໄກສອນ ພົມວິຫານ ເອົາໃຈໃສ່ຈັດລະບຽບກໍ່ຄືການຈັດສັນສະຖານທີ່ແຫ່ງນີ້ຄືນໃໝ່ເປັນຕົ້ນ: ທາສີແຄນ, ທາສີໂຕໄດໂນເສົາ, ກ້ອນຄຳ, ເສົາຫຼັກ ແລະ ຂອບທາງຂອງວົງວຽນ, ປັບປຸງເດີ່ນຫຍ້າໃນວົງວຽນ, ເດີ່ນຫຍ້າທາງທິດຕາເວັນອອກ, ທາງທິດຕາເວັນຕົກ, ປູກຕົ້ນໄມ້ເສີມຕື່ມໃຫ້ມີຄວາມສວຍງາມ, ປັບແຕ່ງໃຫ້ມີແສງສະຫວ່າງພ້ອມທັງໃສ່ໄຟປະດັບ, ປັບປຸງເສັ້ນທາງ ເກົ່າໃຫ້ເປັນບ່ອນຂາຍເຄື່ອງຄ້າຍຄືຕະຫຼາດກາງຄືນເພື່ອຍົກຍ້າຍຮ້ານຂາຍເຄື່ອງຕາມທາງເລກ 9 ເຂົ້າມາຂາຍຢູ່ໃນ ແລະສ້າງໃຫ້ມີບ່ອນຈອດລົດຊົ່ວຄາວ, ປັບປຸງບ່ອນຈອດລົດ, ມີຮ້ານກາເຟ, ຮ້າຍຂາຍເຄື່ອງທີ່ລະນຶກ ແລະ ປັບປຸງ ປ້າຍໂຄສະນາໃຫ້ມີຄວາມສວຍງາມ, ເປັນລະບຽບຮຽບຮ້ອຍ ແລະ ຮັບປະກັນ.  

ທັງນີ້ກໍ່ເພື່ອຄວາມເປັນລະບຽບຈົບງາມຂອງແຂວງ ກໍ່ຄືນະຄອນໄກສອນ ພົມວິຫານ, ອີກຢ່າງກໍ່ເພື່ອເປັນການກະກຽມໃຫ້ແກ່ງານອາຊຽນແຟ ທີ່ສະຫວັນນະເຂດຈະເປັນເຈົ້າພາບໃນເດືອນ ກັນຍາ ທີ່ຈະມາເຖິງນີ້ ພ້ອມທັງ ເປັນການຕ້ອນຮັບການເປີດປີທ່ອງທ່ຽວໃນງານນະມັດສະການພະທາດອີງຮັງໃນທ້າຍປີນີ້ຕື່ມອີກ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

1.png5.png1.png9.png6.png
ມື້ນີ້27
ມື້ວານນີ້66
ອາທິດນີ້359
ເດືອນນີ້1460
ລວມທັງໝົດ15196
23 ມີນາ 2019