ດ້ວຍຄວາມເປັນຫ່ວງ ເປັນໃຍຕໍ່ກັບຄວາມປອດໄພ ແລະສຸຂະພາບຂອງພໍ່ແມ່ປະ ຊາຊົນຈາກສະພາບການ ແຜ່ລະບາດຢ່າງໜັກຂອງພະ ຍາດໂຄວິດ-19 (COVID-19) ທີ່ໄດ້ແຜ່ລາມໄປໃນ ທົ່ວໂລກ ໃນປະຈຸບັນລວມ ທັງປະເທດໃກ້ຄຽງຂອງ ລາວເຮົາ, ຕໍ່ກັບສະພາບ ການດັ່ງກ່າວ, ທ່ານເຈົ້າ ແຂວງສະຫວັນນະເຂດ ກໍ່ໄດ້ອອກແຈ້ງການ ເພື່ອໃຫ້ ທິດຊີ້ນຳກ່ຽວກັບການປ້ອງ ກັນ, ຄວບຄຸມ ແລະແກ້ໄຂ ການລະບາດພະຍາດອັກເສບປອດຈາກເຊື້ອຈຸລະ ໂລກສາຍພັນໃໝ່ ຫຼືໂຄວິດ-19 ໃນທົ່ວແຂວງ ພ້ອມນີ້, ມາ ໃນວັນທີ 17 ມີນາ 2020, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຫົວໜ້າພະແນກ ສາທາລະນະສຸກແຂວງ ແລະ ພາກສ່ວນຕ່າງໆທີ່ກ່ຽວຂ້ອງ ໄດ້ລົງຕິດຕາມ ແລະກວດ ກາເບິ່ງການຈັດຕັ້ງປະຕິບັດມາດຕະການເພື່ອປ້ອງກັນ ແລະຄວບຄຸມພະຍາດໂຄວິດ-19 ທີ່ດ່ານສາກົນຂົວມິດຕະ ພາບ II ສະຫວັນນະເຂດ-ມຸກ ດາຫານ.

 

ໂອກາດນີ້, ທ່ານເຈົ້າ ແຂວງສະຫວັນນະເຂດ ກໍ່ໄດ້ ລົງສຳຫຼວດເບິ່ງຕົວຈິງແຕ່ ລະຈຸດໃນການກວດກາຄົນ ເຂົ້າ-ອອກພາຍໃນດ່ານດັ່ງ ກ່າວ ໂດຍສະເພາະແມ່ນຈຸດ ທີ່ກວດຄັດກອງຄົນເຂົ້າ-ອອກຕາມມາດຕະການເພື່ອ ປ້ອງກັນ ແລະຄວບຄຸມພະ ຍາດໂຄວິດ-19 ທີ່ກະຊວງສາ ທາລະນະສຸກວາງອອກ ເຊິ່ງ ເຫັນວ່າ ພາຍໃນດ່ານສາກົນ ຂົວມິດຕະພາບ 2 ແມ່ນໄດ້ ມີການຕັ້ງຈຸດກວດກາເພື່ອ ກວດວັດອຸນຫະພູມ ແລະໃຫ້ບໍ ລິການມີເຈວລ້າງມືໃຫ້ແກ່ຜູ້ ທີ່ມີການເດີນທາງເຂົ້າ-ອອກ ຈາກນີ້, ກໍ່ຍັງມີເຄື່ອງສະແກນ ກວດຈັບ ຜູ້ທີ່ສົງໄສເປັນເຊື້ອ ພະຍາດດັ່ງກ່າວນຳອີກ ພ້ອມ ນີ້, ທ່ານເຈົ້າແຂວງ ສະຫວັນ ນະເຂດ ຍັງໄດ້ສຳຫຼວດເບິ່ງ ສະຖານທີ່ຮອງຮັບສຳລັບຄົນ ທີ່ສົງໄສ ແລະມີປະຫວັດເດີນ ທາງມາຈາກປະເທດ/ເຂດ ທີ່ ມີການລະບາດຂອງພະຍາດ ໂຄວິດ-19. ໂອກາດນີ້, ທ່ານ ເຈົ້າແຂວງກໍ່ໄດ້ເນັ້ນຢ້ຳໃຫ້ທຸກພາກສ່ວນເອົາໃຈໃສ່ໃນ ການປະຕິບັດມາດຕະການດ້ານຄວາມປອດໄພໃນການ ຄວບຄຸມ ແລະປ້ອງກັນພະຍາດ ດັ່ງກ່າວນີ້້ຢ່າງເຂັ້ມງວດ.


     ຫຼັງຈາກນັ້ນ, ທ່ານ ສັນ ຕິພາບ ພົມວິຫານ ກໍ່ໄດ້ ເດີນທາງມາກວດສອບເບິ່ງ ຈຸດກວດກາຄົນເຂົ້າ-ອອກ ທີ່ດ່ານປະເພນີສະຫວັນນະ ເຂດ-ມຸກດາຫານຕື່ມອີກ ເຊິ່ງເຫັນວ່າໃນດ່ານແຫ່ງນີ້້ ແມ່ນຍັງບໍ່ທັນໄດ້ມີການຈັດ ຕັ້ງປະຕິບັດມາດຕະການປ້ອງກັນພະຍາດໂຄວິດ-19 ໂດຍໃນວັນທີ 18 ມີນາ 2020 ທາງພະແນກສາທາ ລະນະສຸກແຂວງ ຈະໄດ້ນຳເອົາອຸປະກອນກວດວັດອຸນຫະພູມ ແລະເຄື່ອງມືຈຳເປັນ ອື່ນໆຕະຫຼອດເຖິງແຜ່ນພາບ ໂຄສະນາກ່ຽວກັບພະຍາດ ໂຄວິດ-19 ເພື່ອລົງມາຕິດຕັ້ງ ແລະໃຫ້ບໍລິການທີ່ດ່ານດັ່ງ ກ່າວ./.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

3.png2.png6.png9.png7.png
ມື້ນີ້5
ມື້ວານນີ້77
ອາທິດນີ້82
ເດືອນນີ້898
ລວມທັງໝົດ32697
31 ມີນາ 2020