ເພື່ອຕິດຕາມການເຝົ້າລະ ວັງ ແລະໂຕ້ຕອບການລະບາດ ຂອງພະຍາດອັກເສບປອດ ຍ້ອນເຊື້ອຈຸລະໂຣກສາຍພັນ ໃໝ່ ຫຼືໂຄວິດ-19 ບໍ່ໃຫ້ມີການ ແຜ່ລະບາດພາຍ ໃນແຂວງສະ ຫວັນນະເຂດ, ດັ່ງນັ້ນ ໃນວັນທີ 23 ມີນາ 2020 ນີ້, ທ່ານ ສັນ ຕິພາບ ພົມວິຫານ ເຈົ້າແຂວງ ສະຫວັນນະເຂດ, ທ່ານ ດຣ ບົງສຸວັນ ພັນທະວົງສາ ຫົວ ໜ້າພະແນກສາທາລະນະສຸກ ແຂວງ ພ້ອມດ້ວຍຫົວໜ້າພະ ແນກການຕ່າງອ້ອມຂ້າງ ແຂວງ ໄດ້ລົງເຄື່ອນໄຫວຕິດ ຕາມກວດກາແຮງງານລາວ ທີ່ເດີນທາງກັບຄືນປະເທດ ທີ່ດ່ານສາກົນຂົວມິດຕະພາບ 2 ສະຫວັນນະເຂດ-ມຸກດາຫານ ແລະລົງກວດກາເບິ່ງສູນກັກກັນຊົ່ວຄາວເພື່ອຮອງຮັບບຸກຄົນທີ່ມີຄວາມສ່ຽງດັ່ງກ່າວ ທີ່ນະຄອນໄກສອນ ພົມວິຫານ ຊຶ່ງປະກອບມີ 2 ສູນຄື: ສູນ ກັກກັນຊົ່ວຄາວມັດທະຍົມຕົ້ນ ຍາງສູງ, ສູນຫ້ອງການບ້ານ ສົ້ມປ່ອຍມີຈຳນວນຜູ້ທີ່ຖືກກັກ ກັນທັງໝົດ 21 ຄົນ, ຍິງ 8 ຄົນ ສໍາລັບເມືອງໄຊພູທອງແມ່ນ ໄດ້ກໍານົດເອົາບ້ານທີ່ມີສຸກສາ ລາປະຈໍາບ້ານເປັນບ່ອນກໍາ ນົດສູນກັກກັນຊົ່ວຄາວຊຶ່ງປະ ກອບມີ 8 ສູນຄື: ໂຮງຮຽນໄຊ ພູທອງ, ໂຮງຮຽນນາຄຳ, ໂຮງ ຮຽນຫົວຫາດ, ໂຮງຮຽນ ທ່າໂພ, ໂຮງຮຽນເຮືອນຫີນ, ໂຮງຮຽນພູມມະເຈດີ, ໂຮງ ຮຽນມ່ວງໄຂ່, ໂຮງຮຽນນ້ຳພຸ, ໂຮງຮຽນບຸ່ງນາດີ ແລະໂຮງ ຮຽນນາໂມງ ເຊິ່ງລວມມີຜູ້ຖືກ ກັກກັນທັງໝົດ 446 ຄົນ, ຍິງ 248 ຄົນ. ສໍາລັບບຸກຄົນທີ່ຖືກ ກັກກັນໃນຄັ້ງນີ້ແມ່ນຈະໄດ້ມີການຕິດຕາມກວດກາດ້ານສຸ ຂະພາບຢ່າງໃກ້ຊິດຈາກພະນັກ ງານແພດໝໍປະຈຳສູນຈົນກວ່າ ຈະເຖິງກຳນົດ 14 ວັນ ຖ້າ ຫາກວ່າບໍ່ພົບກໍລະນີສົງໄສ ຫຼື ເປັນໄຂ້ທາງສູນແມ່ນຈະອະນຸຍາດໃຫ້ບຸກຄົນດັ່ງກ່າວກັບຄືນ ບ້ານເຮືອນຂອງຕົນເອງໄດ້.

ໂອກາດລົງເຄື່ອນໄຫວຕິດ ຕາມກວດກາແຮງງານລາວທີ່ເດີນທາງກັບຄືນປະເທດທີ່ດ່ານສາກົນຂົວມິດຕະພາບ 2 ແລະສູນກັກກັນຊົ່ວຄາວຄັ້ງ ນີ້ທ່ານເຈົ້າແຂວງກໍ່ໄດ້ເນັ້ນ ໜັກໃຫ້ເຈົ້າໜ້າທີ່ຂອງດ່ານ ສົມທົບກັບພະແນກໂຍທາທິ ການ ແລະຂົນສົ່ງແຂວງໃນ ການຈັດສັນລົດໂດຍສານເພື່ອ ຂົນສົ່ງແຮງງານລາວທີ່ມາ ຈາກປະເທດໄທ ນຳສົ່ງໄປຍັງ ສູນກັກກັນຊົ່ວຄາວຂອງແຕ່ ລະເມືອງຕາມຄວາມເໝາະສົມ ແລະຍັງໄດ້ເນັ້ນໃຫ້ການນຳ ຂອງເມືອງພ້ອມດ້ວຍພາກ ສ່ວນທີ່ກ່ຽວຂ້ອງຕ້ອງໄດ້ເອົາ ໃຈໃສ່ໂຄສະນາສຸຂະສຶກສາໃຫ້ ປະຊາຊົນມີຄວາມຕື່ນຕົວເປັນ ເຈົ້າຕົນເອງໃນການເຝົ້າລະ ວັງ, ຮ່ວມກັນສືບຕໍ່ແກ້ໄຂທາງ ດ້ານຂໍ້ຫຍຸ້ງຍາກເປັນຕົ້ນແມ່ນ ອຸປະກອນການແພດ, ເຄື່ອງມື ຮັບໃຊ້ຕ່າງໆໂດຍການແບ່ງ ໃຊ້ງົບປະມານຂອງທ້ອງຖິ່ນ ພ້ອມທັງປຸກລະດົມການຊ່ວຍ ເຫຼືອຈາກສັງຄົມ ແລະເອົາໃຈ ໃສ່ສືບຕໍ່ກຽມຮອງຮັບຕື່ມອີກ ເນື່ອງຈາກວ່າໄລຍະນີ້ຍັງມີຜູ້ເດີນທາງກັບຄືນປະເທດຢູ່ ເລື້ອຍໆ. ສຳລັບແຮງງານລາວ ທີ່ເດີນທາງກັບຄືນປະເທດ ຜ່ານດ່ານສາກົນຂົວມິດຕະ ພາບ 2 ໃນຄັ້ງວັນທີ 23 ມີນາ 2020 ນີ້ ຈາກໂຕເລກລ່າສຸດ ແມ່ນ 4.000 ກວ່າຄົນ ໃນນີ້ມີຄົນຕ່າງແຂວງ 400 ກວ່າຄົນ./.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

3.png2.png6.png9.png9.png
ມື້ນີ້7
ມື້ວານນີ້77
ອາທິດນີ້84
ເດືອນນີ້900
ລວມທັງໝົດ32699
31 ມີນາ 2020