ເພື່ອກະກຽມຄວາມພ້ອມ ໃນທຸກດ້ານໃນການຮັບມືຕໍ່ ກັບການລະບາດຂອງພະຍາດ ໂຄວິດ-19 ທີ່ໄດ້ມີການແຜ່ລະ ບາດຢ່າງໜັກໃນຫຼາຍປະເທດ ລວມທັງໃນປະເທດລາວເຮົາ ທີ່ມີຜູູ້ຕິດເຊື້ອແລ້ວ 6 ຄົນ, ເຊິ່ງມາໃນຕອນບ່າຍຂອງວັນທີ 25 ມີນາຜ່ານມານີ້, ທ່ານ ສັນຕິພາບ ພົມວິຫານ ເຈົ້າ ແຂວງສະຫວັນນະເຂດ ພ້ອມ ດ້ວຍພາກສ່ວນທີ່ກ່ຽວຂ້ອງ ຂອງແຂວງ ກໍ່ໄດ້ລົງຕິດຕາມ ກວດກາເບິ່ງການກະກຽມ ຄວາມພ້ອມດ້ານຕ່າງໆຂອງ ໂຮງໝໍແຂວງສະຫວັນນະ ເຂດ.

ໂອກາດນີ້, ທ່ານເຈົ້າແຂວງ ສະຫວັນນະເຂດ ກໍ່ໄດ້ລົງກວດ ກາເບິ່ງສະຖານທີ່ຕົວຈິງຂອງ ໂຮງໝໍແຂວງ ທີ່ຈະໃຊ້ເປັນ ບ່ອນຮອງຮັບ ຄົນເຈັບ ຕະຫຼອດ ເຖິງເຄື່ອງມື ແລະອຸປະກອນ ການແພດທີ່ ຈຳເປັນເມື່ອມີການ ລະບາດຂອງພະຍາດໂຄວິດ-19 ເກີດຂຶ້ນ ຊຶ່ງແຂວງສະ ຫວັນນະເຂດ ແມ່ນເປັນແຂວງ ໜຶ່ງທີ່ມີຄວາມສ່ຽງສູງທີ່ອາດ ຈະເກີດການລະບາດຂອງພະ ຍາດດັ່ງກ່າວ ໂດຍສະເພາະ ມາໃນປະຈຸບັນທີ່ໄດ້ມີແຮງ ງານລາວທີ່ໄປເຮັດວຽກຢູ່ ປະເທດໄທໄດ້ຫຼັ່ງໄຫຼກັບຄືນ ມາບ້ານຢ່າງຫຼວງຫຼາຍທີ່ ມາແບບຖືກລະບຽບ ແລະຜິດ ລະບຽບ ໂດຍແຂວງພວກເຮົາ ພວມຂຸ້ນຂ້ຽວໃນການນຳສົ່ງ ແລະຈັດສັນໃຫ້ບັນດາແຮງ ງານເຫຼົ່ານັ້ນ ເຂົ້າສູ່ສູນກັກກັນ ຊົ່ວຄາວທີ່ທາງແຂວງ ໄດ້ຈັດ ສັນໄວ້ໃນແຕ່ລະເມືອງ ໂດຍມີຜູ້ເຂົ້າຢູ່ໃນສູນແລ້ວທັງໝົດຈຳນວນ 6 ພັນກວ່າຄົນ.
ຕໍ່ກັບສະພາບການຄືດັ່ງ ກ່າວນີ້, ທາງການນໍາຂອງ ແຂວງ ຈິ່ງມີຄວາມເປັນຫ່ວງ ເປັນໃຍຕໍ່ພໍ່ແມ່ປະຊາຊົນພາຍ ໃນແຂວງ ໂດຍໄດ້ລົງຕິດຕາມ ຢ່າງໃກ້ສິດຕິດແທດ ເພື່ອກຽມ ຮັບມືກັບພະຍາດໂຄວິດ-19 ນີ້ ໃນທຸກດ້ານ ຫາກເກີດມີການ ລະບາດຂອງພະຍາດດັ່ງກ່າວ. ໂອກາດນີ້, ທ່ານຫົວໜ້າພະ ແນກສາທາສະນະສຸກແຂວງ ແລະຜູ້ອຳນວຍການໂຮງໝໍ ແຂວງ ກໍ່ໄດ້ລາຍງານການກະ ກຽມເບື້ອງຕົ້ນໃນການຮັບມື ຫາກເກີດພະຍາດລະບາດ ດັ່ງກ່າວຂຶ້ນ ໂດຍທາງໂຮງ ໝໍແຂວງໄດ້ມີການປະສານ ງານກັບໂຮງໝໍທະຫານ, ໂຮງ ໝໍ 109 ແລະໂຮງໝໍແຫ່ງ ອື່ນໆທີ່ມີທ່າແຮງ ເພື່ອມາຊ່ວຍ ໂຮງໝໍແຂວງ ໂດຍສະເພາະ ແມ່ນດ້ານບຸກຄະລາກອນແພດ ໝໍ. ສຳລັບການຮອງຮັບຂອງ ທາງໂຮງໝໍແຂວງແມ່ນສາ ມາດຮອງຮັບໄດ້ 12 ຕຽງທີ່ ມີອຸປະກອນການແພດຄົບຊຸດ ແຕ່ກໍ່ອາດບໍ່ພຽງພໍຫາກພະ ຍາດລະບາດດັ່ງກ່າວເກີດ ຂຶ້ນ; ສ່ວນຕຶກຮອງຮັບຄົນເຈັບ ແມ່ນຍັງປຶກສາກັນຕື່ມອີກ ວ່າຈະກຳນົດເອົາຈຸດໃດທີ່ມີ ຄວາມເໝາະສົມ ແລະບໍ່ກະທົບຕໍ່ການປິ່ນປົວຄົນເຈັບທົ່ວໄປ./.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

3.png7.png8.png7.png7.png
ມື້ນີ້42
ມື້ວານນີ້114
ອາທິດນີ້549
ເດືອນນີ້549
ລວມທັງໝົດ37877
06 ມີຖຸນາ 2020