ໃນວັນທີ 24 ມີນາ 2020 ນີ້, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍທ່ານ ດຣ ບົງສຸວັນ ພັນທະວົງສາ ຫົວໜ້າພະແນກ ສາທາລະນະສຸກແຂວງ ໂດຍ ສົມທົບກັບກຳລັງເຈົ້າໜ້າທີ່ ທີ່ກ່ຽວຂ້ອງຂອງແຂວງ ແລະ ບັນດາເຈົ້າເມືອງອ້ອມຂ້າງ ໄດ້ລົງເຄື່ອນໄຫວຕິດຕາມ ກວດກາແຮງງານລາວທີ່ ເດີນທາງກັບຄືນປະເທດທີ່ ດ່ານສາກົນຂົວມິດຕະພາບ 2 ສະຫວັນນະເຂດ-ມຸກດາຫານ ພ້ອມທັງມີມາດຕະການຫ້າມເດັດຂາດບໍ່ໃຫ້ແຮງງານລາວແຕ່ລະຄົນທີ່ຂ້າມມາຈາກຝັ່ງໄທ ໄປຂຶ້ນລົດໂດຍສານກັບ ບ້ານຂອງຕົນເອງຕາມລຳ ພັງໃຈ ເພື່ອຫຼີກລ້ຽງຄວາມ ສ່ຽງທີ່ຈະເກີດການລະບາດ ຂອງພະຍາດໂຄວິດ-19 ໂດຍທຸກຄົນຕ້ອງຂຶ້ນລົດທີ່ ທາງເຈົ້າໜ້າທີ່ຈັດໃຫ້ເທົ່ານັ້ນ ເພື່ອຮັບປະກັນວ່າທຸກຄົນທີ່ເດີນທາງກັບຄືນປະເທດໃນ ຄັ້ງນີ້ ຕ້ອງໄດ້ເຂົ້າສູນກັກກັນ ຊົ່ວຄາວທີ່ການນຳຂອງ ແຂວງຂອງເມືອງກະກຽມ ໄວ້ໃຫ້ເທົ່ານັ້ນ.

ສຳລັບແຮງງານລາວທີ່ ເດີນທາງກັບຄືນປະເທດໃນ ຄັ້ງວັນທີ 24 ມີນາ 2020 ນີ້ມີທັງໝົດ 2.414 ຄົນ, ຍິງ 1.152 ຄົນ, ຕ່າງແຂວງ 218 ຄົນ, ຍິງ 11 ຄົນ ໃນນັ້ນ ແມ່ນໄດ້ນຳໃຊ້ລົດເຊອາ( CR ) ຂອງກອງພົນ ທະຫານ ຮາບທີ4, ກອງບັນຊາການ ທະຫານແຂວງ, ກອງບັນຊາ ການ ປກສ ແຂວງ ແລະລົດ ຂອງບໍລິສັດຈຳນວນ 40ກວ່າ ຄັນເຂົ້າໃນການຂົນສົ່ງແຮງ ງານດັ່ງກ່າວໄປຍັງເມືອງ ຂອງຕົນ ເພື່ອເຂົ້າກັກໂຕທີ່ ສູນຂອງເມືອງກຽມແລ້ວ ເປັນເວລາ 14 ວັນ.
ຈາກນັ້ນ, ທ່ານ ສັນຕິ ພາບ ພົມວິຫານ ເຈົ້າແຂວງສະ ຫວັນນະເຂດ ກໍ່ໄດ້ສືບຕໍ່ລົງ ກວດກາເບິ່ງສູນກັກກັນຊົ່ວ ຄາວຢູ່ເມືອງໄຊບູລີ, ອຸທຸມ ພອນ ແລະເມືອງຈຳພອນ ໃນນັ້ນເມືອງໄຊບູລີມີ 13 ສູນ, ອຸທຸມພອນ 14 ສູນ ແລະເມືອງຈໍາພອນມີ 24 ສູນ ເຊິ່ງແຕ່ລະສູນແມ່ນນອນ ຢູ່ໃນເຂດປົກຄຸມຂອງສຸກສາ ລາປະຈຳບ້ານທັງໝົດ ໂດຍ ບຸກຄົນທີ່ຖືກກັກກັນໃນຄັ້ງນີ້ ແມ່ນຈະໄດ້ມີການຕິດຕາມ ກວດກາດ້ານສຸຂະພາບຢ່າງ ໃກ້ຊິດຈາກພະນັກງານແພດ ໝໍປະຈຳສູນຈົນກວ່າຈະ ເຖິງກຳນົດ 14 ວັນຖ້າຫາກ ວ່າບໍ່ພົບກໍລະນີສົງໄສ ຫຼື ເປັນໄຂ້ ທາງສູນແມ່ນຈະອະ ນຸຍາດໃຫ້ບຸກຄົນດັ່ງກ່າວ ກັບຄືນບ້ານເຮືອນຂອງຕົນ ເອງໄດ້ ທັງນີ້ກໍ່ເພື່ອຕິດຕາມການເຝົ້າລະວັງ ແລະໂຕ້ຕອບ ການລະບາດຂອງພະຍາດອັກ ເສບປອດຍ້ອນເຊື້ອຈຸລະໂລກ ສາຍພັນໃໝ່ ຫຼືໂຄວິດ-19 ບໍ່ ໃຫ້ມີການແຜ່ລະບາດພາຍ ໃນປະເທດເວົ້າລວມ, ເວົ້າ ສະເພາະກໍ່ແມ່ນພາຍໃນ ແຂວງສະຫວັນນະເຂດຂອງ ພວກເຮົາ.
ໂອກາດລົງເຄື່ອນໄຫວ ຕິດຕາມກວດກາສູນກັກກັນ ຊົ່ວຄາວຄັ້ງນີ້, ທ່ານເຈົ້າ ແຂວງກໍ່ໄດ້ເນັ້ນໜັກໃຫ້ການ ນຳຂອງເມືອງຕ້ອງໄດ້ເປັນ ເຈົ້າການ ແລະໃຊ້ມາດຕະ ການຢ່າງເຂັ້ມງວດໃນການ ຄວບຄຸມບໍ່ໃຫ້ມີການລະບາດ ຂອງເຊື້ອພະຍາດ, ຕິດຕາມ ກວດການຳເອົາບຸກຄົນ ຫຼື ແຮງງານລາວທີ່ຂ້າມມາ ຕາມເຮືອນ້ອຍໂດຍບໍ່ຖືກ ຕ້ອງ ໃຫ້ມາເຂົ້າສູນກັກກັນ ຄືກັບຄົນອື່ນໆ, ເອົາໃຈໃສ່ໂຄສະນາສຸຂະສຶກສາໃຫ້ບຸກຄົນທີ່ຖືກກັກກັນມີຄວາມຕື່ນຕົວ ເປັນເຈົ້າຕົນເອງໃນການເຝົ້າ ລະວັງ ແລະຕິດຕາມກວດກາສຸຂະພາບຂອງເຂົາເຈົ້າຢ່າງໃກ້ຊິດເປັນປົກກະຕິຈົນກວ່າຈະເຖິງກຳນົດ 14 ວັນ./.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

3.png7.png8.png7.png9.png
ມື້ນີ້44
ມື້ວານນີ້114
ອາທິດນີ້551
ເດືອນນີ້551
ລວມທັງໝົດ37879
06 ມີຖຸນາ 2020