ຄະນະພັກ-ອຳນາດການປົກຄອງແຂວງສະຫວັນນະເຂດ ຮ່ວມກັບຄະນະກຳມະການກວດກາ ແລະຄວບຄຸມຢາເສບຕິດ ແລະຂະແໜງການທີ່ກ່ຽວຂ້ອງພາຍໃນແຂວງ ໄດ້ພ້ອມໃຈກັນຈັດພິທີສະເຫຼີມສະຫຼອງວັນແຫ່ງຊາດຕ້ານຢາເສບຕິດຄົບຮອບ 16 ປີ (12 ຕຸລາ 2001- 12 ຕຸລາ 2017) ພ້ອມນັ້ນກໍ່ໄດ້ຈັດພິທີທຳລາຍຢາເສບຕິດ ທີ່ສານຕັດສິນໃຊ້ໄດ້ຢ່າງເດັດຂາດແລ້ວໃນສົກປີຜ່ານມາ ທັງນີ້ກໍ່ເພື່ອເປັນການສະແດງເຖິງເຈດຈຳນົງ ແລະຄວາມຮ່ວມມືຂອງສັງຄົມໃນການຮ່ວມກັນຕໍ່ຕ້ານກັບບັນຫາຢາເສບຕິດ ເຊິ່ງເປັນໄພຄຸກຄາມຕໍ່ການພັດທະນາເສດຖະກິດ-ສັງຄົມ, ຄວາມເປັນລະບຽບຮຽບຮ້ອຍ, ຄວາມສະຫງົບ ແລະຄວາມໝັ້ນຄົງຂອງຊາດ.

            ໂອກາດນີ້, ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ໄດ້ຂຶ້ນກ່າວປາໄສໃນພິທີ ຊຶ່ງທ່ານໄດ້ຍົກໃຫ້ຮູ້ກ່ຽວກັບສະພາບການໂດຍລວມຂອງບັນຫາຢາເສບຕິດໃນສາກົນ ກໍ່ຄືໃນປະເທດ ເຊິ່ງມັນໄດ້ກາຍເປັນໄພອັນຕະລາຍຕໍ່ມ່ວນມະນຸດ, ເປັນບໍ່ເກີດແຫ່ງການກໍ່ອາຊະຍາກຳ, ການສໍ້ລາດບັງຫຼວງ, ກົດໜ່ວງຖ່ວງດຶງການສ້າງສາພັດທະນາເສດຖະກິດ-ສັງຄົມຂອງຊາດ ທັງສ້າງຄວາມເສຍຫາຍຢ່າງໃຫຍ່ຫຼວງຕໍ່ບຸກຄົນ ແລະຄອບຄົວຜູ້ທີ່ຕົກເປັນທາດຂອງຢາເສບຕິດ ພ້ອມນັ້ນ ກໍ່ຍັງໄດ້ຍົກໃຫ້ເຫັນເຖິງຄວາມເປັນຫ່ວງເປັນໄຍຂອງພັກ ແລະລັດຖະບານລາວເຮົາ ເຊິ່ງໄດ້ຖືເອົາການຄວບຄຸມ, ສະກັດກັ້ນ, ຕ້ານ ແລະແກ້ໄຂບັນຫາຢາເສບຕິດເປັນໜ້າທີ່ສຳຄັນ ແລະໄດ້ຊີ້ນຳໆພາການຈັດຕັ້ງທີ່ກ່ຽວຂ້ອງປະຕິບັດວຽກງານດັ່ງກ່າວຢ່າງຈົດຈໍ່ ແລະຈິ່ງຈັງຕະຫຼອດມາ. ໃນໄລຍະ 1 ປີຜ່ານມາ, ສານປະຊາຊົນແຂວງສະຫວັນນະເຂດ ໄດ້ຕັດສິນຄະດີຢາເສບຕິດ ແລະໃຊ້ໄດ້ຢ່າງເດັດຂາດແລ້ວຈຳນວນ 167 ລາຍ, ນັກໂທດ 269 ຄົນ, ຍິງ 43 ຄົນ, ໃນນັ້ນ ຄົນຕ່າງປະເທດ 3 ຄົນ, ຍິງ 2 ຄົນ, ສຶກສາອົບຮົມ, ປ່ອຍຕົວ ແລະດັດສ້າງຂັ້ນເຈົ້າໜ້າທີ່ຈຳນວນ 42 ລາຍ, ມີຜູ້ຖືກຫາຈຳນວນ 91 ຄົນ, ຍິງ 10 ຄົນ, ຄະດີຊັດມ້ຽນຈຳນວນ 2 ລາຍ, ຜູ້ຖືກຫາ 2 ຄົນ, ລວມຂອງກາງຄະດີເປັນຢາເສບຕິດປະເພດຕ່າງງໆ ທີ່ຈະນຳອອກມາທຳລາຍໃນມື້ນີລວມມີ: ຢາບ້າ 479.200 ເມັດ ກັບ 10 ຖົງປຽກນ້ຳ (ນັບບໍ່ໄດ້), ຢາບ້າປອມ 230 ເມັດ, ຢາໄອສ໌ 2,267 ກຣາມ, ຄັນຊາແຫ້ງອັດແທ່ງ 4.676 ກຣາມຢາເສບຕິດເປັນບັນຫາຂອງຊາດ ແລະຂອງສາກົນ ທີ່ເປັນໄພຂົ່ມຂູ່ຕໍ່ຄວາມສະຫງົບ, ຄວາມເປັນລະບຽບຮຽບຮ້ອຍຂອງສັງຄົມ ແລະຄວາມໝັ້ນຄົງຂອງຊາດລາວເຮົາ ດັ່ງນັ້ນ ຈິ່ງຂໍຮຽກຮ້ອງມາຍັງພະນັກງານ, ທະຫານ, ຕຳຫຼວດ ແລະປະຊາຊົນທຸກຊັ້ນຄົນ, ທຸກເພດໄວ ຈົ່ງພ້ອມກັນເປັນເຈົ້າການເຂົ້າຮ່ວມໃນການຄວບຄຸມ, ສະກັດກັ້ນ, ຕ້ານ ແລະແກ້ໄຂບັນຫາຢາເສບຕິດໃຫ້ຫຼຸດໜ້ອຍຖອຍລົງ ແລະໝົດໄປຈາກສັງຄົມລາວ ໂດຍສະເພາະແຂວງສະຫວັນນະເຂດຂອງພວກເຮົາ.

            ໃນວັນດຽວກັນ, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມຄະນະ ກໍ່ໄດ້ລົງຢ້ຽມຢາມຜູ້ຖືກເຄາະຮ້າຍຈາກຢາເສບຕິດທີ່ສູນປິ່ນປົວຫຼັກ 26 ທັງນີ້ກໍ່ເພື່ອລົງຢ້ຽມຢາມ, ຕິດຕາມກວດກາ ແລະໃຫ້ກຳລັງໃຈຕໍ່ຄູຝຶກ ແລະຜູ້ທີ່ປິ່ນປົວໃນສູນດັ່ງກ່າວນຳອີກ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png2.png5.png1.png2.png
ມື້ນີ້84
ມື້ວານນີ້54
ອາທິດນີ້138
ເດືອນນີ້752
ລວມທັງໝົດ22512
16 ກໍລະກົດ 2019