ກອງປະຊຸມສະຫຼຸບວຽກງານປະຈຳປີ2017ຂອງພະແນອຸດສາຫະກຳ-ການຄ້າແຂວງສ.ຂໄດ້ຈັດຂຶ້ນໃນວັນທີ 28 ກຸມພາ 2018,ໂດຍການຮ່ວມເປັນປະທານຂອງ ທ່ານ ສັນຕິພາບ ພົມວິຫານ ເຈົ້າ ແຂວງສ.ຂ,ທ່ານ ບຸນມີ ມະນີວົງ ຮອງລັດຖະມົນຕີກະຊວງອຸດສະຫະກຳ-ການຄ້າ,ມີທ່ານເຈົ້າເມືອງ,ຫົວໜ້າຫ້ອງການອຸດສາຫະກຳການຄ້າບັນດາເມືອງ,ບັນດາຂະແໜງການ,ຜູ້ປະກອບການແລະຫົວໜ່ວຍທຸລະກິດກ່ຽວຂ້ອງເຂົ້າຮ່ວມ.


ທ່ານ ສີທົນ ນັນທະລາດ ຫົວໜ້າພະແນກອຸດສາຫະກຳການຄ້າແຂວງ ລາຍງານວ່າ:ໃນປີ 2017 ທົ່ວແຂວງມີຍອດມູນຄ່າການຜະຫຼິດທັງໝົດ 4.444ຕື້ກີບ,ຍອດມູນຄ່າຈໍາໜ່າຍ 4.433ຕື້ກີບ,ມູນຄ່າການສົ່ງອອກ 8.482ຕື້ ກີບແລະມູນຄ່າການນຳເຂົ້າ 7.99ຕື້ກີບ.ວຽກງານດັດສົມແລະລົງຮື້ຖອນໂຮງງານປຸງແຕ່ງໄມ້ແລະເຟີນີເຈີ ໄດ້ສົມທົບກັບພາກສ່ວນກ່ຽວຂ້ອງ ປະຕິບັດໃນໂຮງງານປະ ເພດອ່ອນ 47 ແຫ່ງ,ໃນນັ້ນມີການຂໍປັບປຸງຄືນ5ແຫ່ງ,ຍຸບເລີກໂຮງງານທີ່ນອນໃນ 3 ປະເພດປ່າໄດ້ແລ້ວ20 ແຫ່ງ,ນອກນັ້ນກໍ່ໄດ້ເດີນສຳຫຼວດໂຮງງານຕາມບັນດາເມືອງ,ສຳຫຼວດໂຮງງານຜະຫຼິດຖ່ານມີທັງໝົດ 39 ແຫ່ງ,ມີໂຮງງານທີ່ເຄື່ອນໄຫວຜິດປົກກະຕິ 28 ແຫ່ງ,ຈາກນີ້ກໍ່ມີວຽກຄຸ້ມຄອງເຂດອຸດສາຫະ ກຳ,ວຽກຄຸ້ມຄອງການນຳເຂົ້າ-ສົ່ງອອກ,ວຽກສົ່ງເສີມແລະການຢັ້ງຢືນແຫຼ່ງກຳເນີດສິນຄ້າ,ວຽກອຳນວຍຄວາມສະດວກທາງດ້ານການຄ້າແລະການຄ້າຊາຍແດນ,ແລະວຽກທີ່ພົ້ນເດັ່ນອີກອັນໜຶ່ງແມ່ນການຄຸ້ມຄອງແລະປະມູນຂາຍໄມ້,ເຊິ່ງໃນປີຜ່ານມາທາງພະແນກໄດ້ສົມທົບກັບພາກສ່ວນກ່ຽວຂ້ອງ ລົງສັງລວມໄມ້ສະໜາມ2,ທີ່ເປັນໄມ້ໄດ້ຮັບອະນຸມັດໃຫ້ຕັດ ແລະ ໄມ້ຢຶດຂອງພາກສ່ວນຕ່າງໆ,ເຮັດການປະມູນຂາຍເປັນປົກກະຕິ ໄດ້ 8ຄັ້ງ,ສາມາດເຮັດສັນຍາຊື້ຂາຍໄດ້33ຄັ້ງ,ມີບໍລິມາດໄມ້ທັງໝົດ 3.402 ແມັດກ້ອນ,ສ້າງລາຍຮັບເຂົ້າງົບປະມານໄດ້10.890ຕື້ກີບ,ມີລາຍຮັບຈາກພັນທະສ່ວນເກີນເຖິງ498ລ້ານກີບ,ແລະໄດ້ມອບເງິນເຂົ້າຄັງພັດທະນາຂອງແຂວງໄດ້469ລ້ານກີບ,ປະຈຸບັນແມ່ນຍັງລໍຖ້າຈັດການປະມູນຂາຍໄມ້ຕື່ມອີກຈຳນວນ 732,575ແມັດກ້ອນ,ໃນນັ້ນມີໄມ້ໂກຕາ 633ແມັດກ້ອນແລະໄມ້ຢຶດ99,575ແມັດກ້ອນ ແລະອີກຈໍານວນໜຶ່ງທີ່ພົບເຫັນຕາມບັນດາເມືອງຕ່າງໆທີ່ຍັງບໍ່ທັນຂຶ້ນບັນຊີ,ເພາະຍັງຢູ່ໃນຂັ້ນຕອນການດຳເນີນຄະດີ,ຈາກນີ້ຍັງມີວຽກຄຸ້ມຄອງລາ

ຄາສິນຄ້າຕາມທ້ອງຕະຫຼາດທີ່ມີການເຄື່ອນໄຫວຢ່າງເປັນປົກກະຕິ,ເພື່ອບໍ່ໃຫ້ມີຜົນກະທົບຕໍ່ຜູ້ບໍລິໂພກກໍ່ຄືການດຳລົງຊີວິດຂອງພໍ່ແມ່ປະຊາຊົນ.1

            ໃນວັນດຽວກັນ, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມຄະນະ ກໍ່ໄດ້ລົງຢ້ຽມຢາມຜູ້ຖືກເຄາະຮ້າຍຈາກຢາເສບຕິດທີ່ສູນປິ່ນປົວຫຼັກ 26 ທັງນີ້ກໍ່ເພື່ອລົງຢ້ຽມຢາມ, ຕິດຕາມກວດກາ ແລະໃຫ້ກຳລັງໃຈຕໍ່ຄູຝຶກ ແລະຜູ້ທີ່ປິ່ນປົວໃນສູນດັ່ງກ່າວນຳອີກ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png8.png7.png1.png3.png
ມື້ນີ້71
ມື້ວານນີ້62
ອາທິດນີ້133
ເດືອນນີ້1303
ລວມທັງໝົດ28713
22 ຕຸລາ 2019