ຫຼາຍບັນຫາໄດ້ຖືກນຳສະເໜີຜ່ານໃນກອງປະຊຸມບໍລິຫານລັດ-ຂັ້ນເມືອງ ປະຈໍາດືອນກຸມພາ ປີ 2018 ເຊິ່ງໄດ້ຈັດຂຶ້ນໃນວັນທີ 26 ກຸມພານີ້, ທີ່ສະໂມສອນຫ້ອງວ່າການປົກຄອງເມືອງ. ພາຍໃຕ້ເປັນປະທານຂອງທ່ານ ບຸນຍູ້ ທໍາມະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງໆໄກສອນ ພົມວິຫານ, ມີບັນດາຮອງເຈົ້າເມືອງ, ຄະນະປະຈໍາພັກເມືອງ, ກໍາມະການພັກເມືອງ, ມີຫົວໜ້າ-ຮອງຫົວໜ້າ, ມີສະມາຊິກສະພາປະຊາຊົນແຂວງສະຫວັນນະເຂດ, ເມືອງໄກສອນ ພົມວິຫານ ພ້ອນດ້ວຍເລຂາພັກບ້ານ-ນາຍບ້ານເຂົ້າຮ່ວມ.

ເນື້ອໃນກອງປະຊຸມບໍລິຫານລັດຄັ້ງນີ້ ໄດ້ຮັບຟັງການຂຶ້ນລາຍງານຂອງຫົວໜ້າຫ້ອງການສ່ວຍສາອາກອນເມືອງ ທີ່ມີການສະຫຼຸບຖອດບົດຮຽນການເຮັດທົດລອງເກັບລາຍຮັບເຂົ້າງົບປະມານປີ 2018 ຢູ່ບ້ານໄຊຍະມຸງຄຸນ ແລະ ບ້ານໂພນສະຫວ່າງໃຕ້, ຮັບຟັງບັນຫາບໍລິສັດລາວພັດທະນາກໍາຈັດຂອງເສຍ ຂໍຂຶ້ນລາຄາເກັບຂົນຂີ້ເຫຍື້ອໃນເທສະບານ ໂດຍສາຍທາງເກັບຂົນ1 ຖ້ຽວຕໍ່ອາທິດຂໍຂຶ້ນເປັນ30.000 ກີບ/ຄອບຄົວ, ສາຍທາງເກັບຂົນ 2 ຖ້ຽວ/ອາທິດ ຂໍຂຶ້ນ 40.000 ກີບ/ຄອບຄົວ, ການຈັດສັນປັບປຸງທາງຍ່າງຖະໜົນລາດຊະວົງເສິກ ໃຫ້ສະອາດ ແລະສວຍງາມ ຕາມຂໍ້ຕົກລົງຂອງທ່ານເຈົ້າເມືອງເລກທີ821/ຈມ.ກສ ເພື່ອກະກຽມໃສ່ງານສົງການ ແລະການກະກຽມຈັດຫານາງສັງຂານປະຈໍາ ພສ 2561 ເຊິ່ງບັນດາຂະບວນແຮ່ແຕ່ລະກຸ່ມຕ່າງໆ ກໍ່ໃຫ້ມີບັນຍາກາດຟົດຟື້ນມ່ວນຊື່ນ ເພື່ອເປັນການຮອງຮັບປີທ່ອງທ່ຽວລາວປີ2018 ແລະໃນຕອນທ້າຍຂອງກອງປະຊຸມ ຍັງໄດ້ປະກອບຄໍາເຫັນແຕ່ລະຂະ           ແໜງ ການອ້ອມຂ້າງເພື່ອໃຫ້ກອງປະຊຸມບັນລຸຜົນສໍາເລັດຕາມຄາດໜາຍທີ່ວາງໄວ້.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png2.png5.png1.png2.png
ມື້ນີ້84
ມື້ວານນີ້54
ອາທິດນີ້138
ເດືອນນີ້752
ລວມທັງໝົດ22512
16 ກໍລະກົດ 2019