ວັນທີ 27 ກຸມພາຜ່ານມານີ້, ຢູ່ທີ່ໂຮງຮຽນມັດທະຍົມຕົ້ນບ້ານ ພີນ ເມືອງອຸທຸມພອນ ໄດ້ຈັດໃຫ້ມີກອງປະຊຸມໃຫຍ່ສະມາຊິກ ພັກ ຄັ້ງທີ IV ຂອງຄະນະພັກຮາກຖານກຸ່ມບ້ານພີນ ເມືອງອຸທຸມພອນ ຂຶ້ນໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍ ຄຳເຫວີຍ ເພັງພະຈັນ ກຳມະການປະຈຳພັກເມືອງ ປະທານກວດກາພັກ-ລັດເມືອງ, ສະຫາຍ ນາງ ເພັງສະຫວັດ ແກ້ວຫາວົງ ກຳມະການພັກເມືອງ ຜູ້ຊີ້ນຳກຸ່ມບ້ານ ຈາກນີ້ກໍ່ມີບັນດາທ່ານຫົວໜ້າຫ້ອງການ, ຄະນະຫ້ອງການ,​ ຄະນະພັກຮາກຖານ, ​ເລຂາໜ່ວຍພັກ, ​ແຂກຖືກເຊີນ ຕະຫຼອດສະມາຊິກພັກຜູ້ແທນສົມບູນເຂົ້າຮ່ວມ 60 ສະຫາຍ, ຍິງ 20 ສະຫາຍ.

            ຕໍ່ກອງປະຊຸມ ສະຫາຍ ຂັນຄໍາ ແກ້ວໂພທິສານ ຄະນະພັກຮາກຖານ ກໍ່ໄດ້ຜ່ານບົດລາຍງານການເມືອງທັງພາກທີ I ​ແລະພາກທີ II ໂອກາດນີ້, ບັນດາຜູ້ແທນກອງປະຊຸມ ຍັງໄດ້ເປັນເອກະພາບກັນໃຊ້ສິດປະຊາທິປະໄຕອັນເຕັມສ່ວນ ເພື່ອປ່ອນບັດເລືອກຕັ້ງເອົາຄະນະພັກຮາກຖານ​​ຊຸດໃໝ່ ບົນພື້ນຖານຖືກຕ້ອງສອດຄ່ອງກັບມາດຖານ​​ເງື່ອນໄຂທີ່ກຳນົດ ເຊິ່ງມີຜູ້ສະໝັກທັງໝົດ 7 ສະຫາຍ, ຍິງ 1 ສະຫາຍ ໃນນີ້ ສະຫາຍ ຂັນຄໍາ ແກ້ວໂພທິສານ ໄດ້ຮັບເລືອກເປັນເລຂາຄະນະພັກຮາກຖານກຸ່ມບ້ານພີນ, ສະຫາຍ ເສີດພອນ ຄຳເມືອງໄຊເປັນຮອງເລຂາ  ແລະກຳມະການອີກ 3 ສະຫາຍ. ກອງປະຊຸມຍັງໄດ້ເຫັນດີຕົກລົງເລືອກເອົາສະຫາຍ ຄຳພັນ ແພງປະ ເສີດ ເປັນປະທານກວດກາ ແລະເລືອກເອົາສະຫາຍ ນາງ ພອນວິໄລ ເປັນຮອງປະທານ.      ໂອກາດດຽວກັນນີ້, ໃນພິທີຍັງໄດ້ມີການ ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ IV ໃຫ້ກັບໜ່ວຍພັກບ້ານພີນເໜືອນຳອີກ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png8.png7.png1.png0.png
ມື້ນີ້68
ມື້ວານນີ້62
ອາທິດນີ້130
ເດືອນນີ້1300
ລວມທັງໝົດ28710
22 ຕຸລາ 2019