ໂດຍປະຕິບັດຕາມທິດຊີ້ນຳຂອງທ່ານເຈົ້າແຂວງໃຫ້ຫ້ອງວ່າການປົກຄອງແຂວງໃຫ້ສົມທົບກັບພະແນກໄປສະນີໂທລະຄົມແລະການສື່ສານຂອງແຂວງສະຫວັນນະເຂດໃຫ້ຈັດການຝຶກອົບຮົມການຈາລະຈອນເອກະສານທາງເອເລັກໂຕຼນິກເພື່ອຍົກລະດັບຄວາມຮູ້ຄວາມສາມາດໃຫ້ພະນັກງານລັດຖະກອນເວົ້າລວມແລະເວົ້າສະເພາະແມ່ນພະນັກພະນັກງານການນຳ ແລະ ວິຊາການອ້ອມຂ້າງເມືອງນອງເພື່ອຈະໃຫ້ຈັດເອກະສານຜ່ານລະບົບເອເລັກໂຕຼນິກແລະການນຳສົ່ງໃຫ້ວ່ອງໄວຂື້ນກວ່າເກົ່າ.

ອ່ານຕໍ່....

    ໃນວັນທີ 28 ກັນຍາ 2018ນີ້ຫ້ອງການຊາວໜຸ່ມເມືອງນອງສ້າງຂະບວນການອອກແຮງງານລວມເຊິ່ງນຳພາໂດຍ ທ່ານ ບຸນນຳ ເພັງຄຳໃສ ເລຂາຊາວໜຸ່ມເມືອງ,ມີພະນັກງານ, ທະຫານ, ຕຳຫຼວດ, ສະມາຊິກຊາວໜຸ່ມໃນທົ່ວເມືອງເຂົ້າຮ່ວມສ້າງຂະບວນການໃນຄັ້ງນີ້ມີຈຳນວນ 130 ຄົນ, ຍິງ 66 ຄົນ.

ອ່ານຕໍ່....

   ບ້ານລະເບົາໂຄກເປັນບ້ານໜຶ່່ງຂອງເມືອງນອງທີ່ນອນຢູ່ໃນເຂດຄວາມຮັບຜິດຊອບຂອງຈຸດສຸມແກ້ງລີ້ນຫ່າງຈາກເທສະບານເມືອງໄປທາງທິດຕາເວັນຕົກປະມານ 29 ກິໂລແມັດ, ມີພົນລະ​ເມືອງ 523 ຄົນ, ຍິງ 268 ຄົນ, ປະກອບມີ 80 ຫຼັງຄາເຮືອນ, ມີ 112 ຄອບຄົວ ເປັນຊົນເຜົ່າມັງກອງ, ປະຊາຊົນສ່ວນໃຫຍ່ແມ່ນຖືຜີ ອາຊີບຕົ້ນຕໍແມ່ນເຮັດສວນ ແລະ ເຮັດນາ.

ເລີ່ມແຕ່ຕົ້ນເດືອນທັນວາປີ 2017 ຮອດປັດຈຸບັນ ປະຊາຊົນ ບ້ານ ລະເບົາໂຄກ ເມືອງນອງ ກໍ່ໄດ້ຂຸ້ນຂ້ຽວສຸມໃສ່ວຽກງານການເກັບກູ້ຜົນຜະລິດຢາງໂບງຢ່າງເປັນຂະບວນ ແລະ ສ້າງລາຍຮັບເຂົ້າສູ່ຄອບຄົວໄດ້ຫຼາຍລ້ານກີບຕໍ່ຄອບຄົວ, ປະຊາຊົນສ່ວນໃຫຍ່ແມ່ນມີຄວາມດຸໜັ່ນຂະຫຍັນພຽນບຸກບືນຫ້າວຫັນເພື່ອເຮັດໃຫ້ຄອບຄົວຂອງຕົນຫຼຸດພົ້ນອອກຈາກຄວາ ມທຸກຍາກ ບ້ານ ລະເບົາໂຄກມີເນື້ອທີ່ສວນຢາງໂບງທັັງໝົດ135,2 ເຮັກຕາ ໃນວັນທີ 28 ກຸມພາ 2018ນີ້ ຕາມການໃຫ້ສຳພາດຂອງ ທ່ານ ບຸນເຮືອງ ອາຍຸ 70 ປີ ປະຊາຊົນບ້ານລະເບົາໂຄກ ຄອບຄົວທີ່ພົ້ນເດັ່ນກວ່າໝູ່ໃນການປູກຢາງໂບງໃຫ້ຮູ້ວ່າ: ເລີ່ມແຕ່ປີ 2010 ຄອບຄົວຂອງເພິ່ນແມ່ນໄດ້ລົງມືປູກຢາງໂບງ ແລະປູກຫວາຍສັບຫວ່າງ. ໃນປີທຳອິດແມ່ນປູກໄດ້ພຽງແຕ່ 1 ເຮັກຕາເທົ່ານັ້ນໃນປີຕໍ່ມາແມ່ນໄດ້ຂະຫຍາຍສວນອອກອີກ ຈົນມາຮອດປັດຈຸບັນສວນຢາງໂບງຂອງເພິ່ນແມ່ນມີທັງໝົດ 6 ເຮັກຕາກວ່າ. ໃນການຮັກສາແມ່ນມີພຽງແຕ່ເຮັດຮົ້ວອ້ອມເພື່ອບໍ່ໃຫ້ສັດຕ່າງໆເຂົ້າໄປທຳລາຍ ແລະ ຕ້ອງໄດ້ຕັດຫຍ້າ ຫຼື ເສຍຫຍ້າບົວລະບັດຕອນທີ່ຕົ້ນຢາງໂບງຍັງນ້ອຍເທົ່ານັ້ນ ສະເພາະປີ2018 ຄອບຄົວຂອງທ່ານ ບຸນເຮືອງ ແມ່ນມີລາຍຮັບຈາກການຂາຍເປືອກຢາງໂບງລວມມູນຄ່າ 40 ລ້ານກີບ. ໃນການຕັດ ແລະຖາກເປືອກຂອງຢາງໂບງພຽງແຕ່ຕັດສ່ວນໜຶ່ງຂອງສວນເທົ່ານັ້ນແຕ່ຖ້າຫາກຕັດຕົ້ນຢາງໂບງທີ່ໃຫຍ່ພ້ອມກັນໝົດຄາດວ່າຈະໄດ້ລາຍຮັບຕື່ມອີກ 50-60 ລ້ານກີບ. ນອກຈາກຄອບຄົວຂອງທ່ານ ບຸນເຮືອງ ແລ້ວຍັງມີຄອບຄົວຂອງທ່ານ ຄຳກາ ແລະ ທ່ານ ເລີຍ ເຊິ່ງມີລາຍຮັບຈາກການຂາຍຢາງໂບງໃນປີ 2018 ນີ້ ແມ່ນ 30 ລ້ານກີບສ່ວນລາຄາຂອງເປືອກຢາງໂບງແຫ້ງແມ່ນຢູ່ໃນລະຫວ່າງ 3.8000-4.000 ກີບຕໍ່ກິໂລ ສ່ວນໃຫຍ່ແມ່ນພໍ່ຄ້າຊາວຫວຽດນາມມາຮັບຊື້ເຖິງທີ່.

ທ່ານ  ບຸນເຮືອງຍັງໄດ້ເວົ້າຕື່ມອີກວ່າ ສຳລັບຄອບຄົວຂອງເພິ່ນແມ່ນຍັງຈະໄດ້ສືບຕໍ່ປູກຢາງໂບງຕື່ມອີກໃນປີຕໍ່ໄປ, ຢຸດການຖາງປ່າເຮັດໄຮ່ແບບເລື່ອນລອຍຫັນມາປູກຢາງໂບງແທນ ເຊິ່ງເຮັດໃຫ້ຄອບຄົວມີລາຍຮັບຫຼາຍລ້ານກີບຕໍ່ປີທັງເຮັດໃຫ້ລູກຫຼານ ຫຼື ທຸກຄົນໃນຄອບຄົວກຸ້ມຢູ່ກຸ້ມກິນ ແລະເອື້ອອຳນວຍຄວາມສະດວກຫຼາຍດ້ານຖ້າທຽບໃສ່ໃນເມື່ອກ່ອນ.

ເຂດເສດຖະກິດພິເສດ ສຫວັນ-ເຊໂນ