ໂດຍປະຕິບັດຕາມທິດຊີ້ນຳຂອງທ່ານເຈົ້າແຂວງໃຫ້ຫ້ອງວ່າການປົກຄອງແຂວງໃຫ້ສົມທົບກັບພະແນກໄປສະນີໂທລະຄົມແລະການສື່ສານຂອງແຂວງສະຫວັນນະເຂດໃຫ້ຈັດການຝຶກອົບຮົມການຈາລະຈອນເອກະສານທາງເອເລັກໂຕຼນິກເພື່ອຍົກລະດັບຄວາມຮູ້ຄວາມສາມາດໃຫ້ພະນັກງານລັດຖະກອນເວົ້າລວມແລະເວົ້າສະເພາະແມ່ນພະນັກພະນັກງານການນຳ ແລະ ວິຊາການອ້ອມຂ້າງເມືອງນອງເພື່ອຈະໃຫ້ຈັດເອກະສານຜ່ານລະບົບເອເລັກໂຕຼນິກແລະການນຳສົ່ງໃຫ້ວ່ອງໄວຂື້ນກວ່າເກົ່າ.

         

     ດັ່ງນັ້ນໃນລະຫວ່າງ 9-10 ຕຸລາ 2018 ນີ້ ທີ່ສະໂມສອນຂອງເມືອງ ພະນັກງານການນຳ ແລະ ວິຊາການອ້ອມຂ້າງເມືອງນອງໄດ້ຮັບການຝຶກອົບຮົມຍົກລະດັບຄວາມຮູ້ກ່ຽວກັບການຈາລະຈອນເອກະສານທາງເອເລັກໂຕຼນິກ ໂດຍການເປັນປະທານ ຂອງທ່ານ ບຸນຍົມ ນວນລາສີ ກຳມະການພັກເມືອງ ຮອງເຈົ້າເມືອງໆນອງ ໃນການຈັດການຝຶກອົບຮົບໃນຄັ້ງນີ້ມີຄູຝຶກຈາກຫ້ອງວ່າການແຂວງ ແລະ ພະແນກໄປສະນີໂທລະຄົມແລະການສື່ສານຂອງແຂວງສະຫວັນນະເຂດ ຈຳນວນ 5 ທ່ານ,ຍິງ 1 ທ່ານ ມີນັກສຳມະນາກອນແຕ່ລະຫ້ອງການອ້ອມຂ້າງເມືອງເຂົ້າຮ່ວມ 62 ທ່ານ ຍິງ 23 ທ່ານ ຫົວຂໍ້ໃນການຝຶກອົບຮົມໃນຄັ້ງນີ້ມີ 10 ຫົວຂໍ້ ຄື : ການໃຊ້ WhatsApp ສົ່ງຂໍ້ມູນຫາກັນຜ່ານຄອມ ແລະ ມືຖື,ການຕັ້ງຄ່າ Office ໃຫ້ເປັນ phetsarath OT ອັດຕະໂນມັດ,ການໃຊ້ Cam Scaner ເພື່ອສົ່ງຮູບເອກະສານ,ການໃຊ້ Adobe PDF ເພື່ອເຊັນເອກະສານຜ່ານມືຖື,ການສ້າງ Gmail ແລະ ຮັບສົ່ງອີເມລ,ການເກັບຂໍ້ມູນຢູ່ Google Drive ເພື່ອປ້ອງກັນຂໍ້ມູນເສຍ,ການໃຊ້ Google Doc ແປງຮູບ ແລະ PDF ໃຫ້ເປັນຕົວໜັງສື,ການໃຊ້ Google Doc ເວົ້າໃຫ້ຄອມພິມເອກະສານໃຫ້ ແລະ ການແປງ saysettha lao ມາເປັນ saysettha OT.

    ຫຼັງຈາກການຝຶກອົບຮົມແລ້ວນັກສຳມະນາກອນຍັງໄດ້ຮັບໃບຢັ້ງຢືນການຝຶກອົບຮົມ ໂດຍເປັນກຽດມອບໃບຢັ້ງຢືນໃນຄັ້ງນີ້ແມ່ນ ທ່ານ ດາວເຮືອງ ໂພທິລາດ ຮອງພະແນກໄປສະນີໂທລະຄົມ ແລະ ການສື່ສານຂອງແຂວງສະຫວັນນະເຂດ ແລະ ໄດ້ຮັບຟັງການໂອ້ລົມຂອງ ທ່ານ ພົງຄຳຮັກ ບຸດຕະວົງ ຮອງຫົວໜ້າຫ້ອງວ່າການແຂວງ ທ່ານໄດ້ຍ້ອງຍໍຊົມເຊີຍນັກສຳມະນາກອນທີ່ມີຄວາມຕັດສິນໃຈເຂົ້າຝຶກອົບຮົມໃນຄັ້ງນີ້ ທີ່ເຫັນໄດ້ຄວາມໝາຍຄວາມສຳຄັນຂອງການສື່ສານທາງເອເລັກໂຕຼນິກ ແລະ ທ່ານຍັງໄດ້ນິ້ນໃຫ້ນັກສຳມະນາກອນນຳໄປຝັນຂະຫຍາຍໃຫ້ເປັນປະໂຫຍດສູງສຸດໂດຍສະເພາະໃນຂົງເຂດວຽກງານຂອງຕົນ.

ເຂດເສດຖະກິດພິເສດ ສຫວັນ-ເຊໂນ