ໃນວັນທີ 7 ມີນາ 2018ນີ້, ຢູ່ທີ່ສະໂມສອນຂອງຫ້ອງວ່າການປົກຄອງເມືອງໄຊບູລີ ໄດ້ປາຖະກະຖາວັນທີ 8 ມີນາ ວັນແມ່ຍິງສາກົນ ຄົບຮອບ 108ປີ. ໂດຍການເປັນປະທານຂອງທ່ານ ຄໍາວົງ ຈັນແພງສີ ກໍາມະການປະຈໍາພັກເມືອງ ປະທານແນວລາວສ້າງຊາດເມືອງ ທັງເປັນຜູ້ຊີ້ນຳວຽກງານອົງການຈັດຕັ້ງມະຫາຊົນ, ທ່ານ ນາງ ແກ້ວອຸດົມ ແສງວິໄລສັກ ຮອງປະທານສະຫະພັນແມ່ຍິງເມືອງ, ບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານ, ທະຫານ, ຕໍາຫຼວດເຂົ້າຮ່ວມຢ່າງຫຼວງຫຼາຍ.

ໃນການປາຖະກະຖາຄັ້ງນີ້, ທ່ານ ຄໍາວົງ ຈັນແພງສີ ກໍ່ໄດ້ເລົ່າຄືນມູນເຊື້ອປະຫວັດຄວາມເປັນມາຂອງວັນທີ 8 ມີນາ ວັນແມ່ຍິງສາກົນ ແລະທ່ານຍັງຍົກໃຫ້ເຫັນເຖິງບັນດາການຈັດຕັ້ງກ່ຽວກັບແມ່ຍິງໃນລະດັບສາກົນ ແລະ ອາຊຽນ; ການຈັດຕັ້ງກອງປະຊຸມລະດັບໂລກ, ພາກພື້ນ ແລະ ລະດັບອາຊຽນກ່ຽວກັບແມ່ຍິງ; ນະໂຍບາຍ ແລະກົນໄກສົ່ງເສີ່ມຄວາມກ້າວໜ້າຂອງແມ່ຍິງໃນ ສປປ ລາວ; ການເຄື່ອງໄຫວຂອງສະຫະພັນແມ່ຍິງລາວຕໍ່ຂະບວນການເຄື່ອນໄຫວຂອງແມ່ຍິງໃນລະດັບອາຊຽນ, ພາກພື້ນ, ສາກົນ ແລະໂຄງການຮ່ວມມືກັບອົງການຈັດຕັ້ງສາກົນຕ່າງໆປະຈໍາປີ 2017.

ເຂດເສດຖະກິດພິເສດ ສຫວັນ-ເຊໂນ