ໃນຕອນບ່າຍຂອງວັນທີ 7 ມີນາຜ່ານມານີ້, ຢູ່ທີ່ສະໂມສອນກອງບັນຊາການ ປກສ ເມືອງໄຊບູລີ ໄດ້ພິທີ ມອບ-ຮັບໃບຢັ້ງຢືນນາມມະຍົດໜ່ວຍພັກເຂັ້ມແຂງ-ຮູ້ນຳພາພາຮອບດ້ານຄັ້ງທີ IV ຂອງ 5 ໜ່ວຍພັກຄື: ໜ່ວຍພັກຫ້ອງການ, ໜ່ວຍພັກຕໍາຫຼວດ, ໜ່ວຍພັກສັນຕິບານ, ໜ່ວຍພັກພາລາທິການ ແລະໜ່ວຍພັກສໍາມະໂນຄົວ. ໂດຍໃຫ້ກຽດເປັນປະທານຂອງສະຫາຍ ຈອມສີ ພະທິທັກ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງໄຊບູລີ, ສະຫາຍ ພັທ ຄໍາສຸກ ປະເສີດຄໍາຫຼ້າ, ຫົວໜ້າກອງບັນຊາການ ປກສ ເມືອງ ພ້ອມດ້ວຍບັນດາກຳມະການພັກເມືອງ, ພະແນກວິຊາການ ແລະວິຊາສະເພາະທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມ, ໄດ້ຜ່ານບົດສະຫຼຸບການກໍ່ສ້າງໜ່ວຍພັກແຂັ້ມແຂງ-ຮູ້ນໍາພາຮອບດ້ານຂອງຮາກຖານພັກ ກອງບັນຊາການ ປກສ ເມືອງ ປະຈໍາປີ 2017 ແລະທິດທາງແຜນການປະຈໍາປີ 2018 ແລະຕີລາຄາການນໍາພາການເຄື່ອນໄຫວວຽກງານໃນໄລຍະ 1 ປີຜ່ານມາ, ຈາກນັ້ນ, ໃນພິທີກໍ່ໄດ້ມີການມອບ-ຮັບນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານໃຫ້ທັງ 5 ໜ່ວຍພັກດັ່ງກ່າວຢ່າງສົມກຽດ.

ເຂດເສດຖະກິດພິເສດ ສຫວັນ-ເຊໂນ