ທ່ານ ພັນຕີ ວິໄຊ ມຸກຂະລາ ຫົວໜ້າພະແນກກໍ່ສ້າງຮາກຖານ ກອງບັນຊາການ ປກສ ເມືອງ ກໍ່ໄດ້ຜ່ານບົດສະຫຼຸບລາຍງານໃນການຈັດຕັ້ງປະຕິບັດວຽກງານກໍ່ສ້າງຮາກຖານ, ຕິດພັນກັບການແກ້ໄຂປະກົດການຫຍໍ້ທໍ້ໃນສັງຄົມໃຫ້ຮູ້ວ່າ: ບ້ານແດນສະຕື້ງແມ່ນຂື້ນກັບຈຸດສຸມເຊກື-ພູມະລີເມືອງທ່າປາງທອງ ຕັ້ງຫ່າງຈາກຈຸດສຸມອອກໄປປະມານ 7 ກິໂລແມັດ, ມີເນື້ອທີ່ທັງໝົດ 1.758 ກິໂລຕາແມັດ, ມີ 215 ຫຼັງຄາເຮືອນ, ມີ 272 ຄອບຄົວ, ລວມມີ 6 ຄຸ້ມ, ປະກອບມີ 20 ໜ່ວຍ, ມີພົນລະເມືອງທັງໝົດ 1.715 ຄົນ, ຍິງ 762 ຄົນ, ອາຍຸ 15 ປີຂຶ້ນໄປ 899 ຄົນ, ຍິງ 432 ຄົນ, ເຜົ່າກະຕາງກວມ 96%, ເຜົ່າລາວ 4%, ອາຊີບຕົ້ນຕໍຂອງພໍ່ແມ່ປະຊາຊົນພາຍໃນບ້ານແມ່ນຢືດຖືເອົາການເຮັດນາປູກເຂົ້າຕົ້ນຕໍ, ລ້ຽງສັດ ແລະຄ້າຂາຍຖືເປັນສຳຮອງ, ດ້ານວຽກງານການເມືອງ-ແນວຄິດ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ກັບອົງການຈັດຕັ້ງບ້ານ, ເຖົ້າແກ່ແນວໂຮມ ຕະຫຼອດຮອດພໍ່ແມ່ປະຊາຊົນພາຍໃນບ້ານຢ່າງເປັນປະຈຳ ແລະເປັນລະບົບຕໍ່ເນື່ອງ, ພ້ອມທັງໄດ້ເອົາໃຈໃສ່ໃນການປະຕິບັດຕາມເນື້ອໃນ 5 ວຽກ 4 ໂຄງການຂອງກະຊວງ ປກສ ວາງອອກ ທັງນີ້ກໍ່ເພື່ອເຮັດໃຫ້ການແກ້ໄຂປະກົດການຫຍໍ້ທໍ້ພາຍໃນບ້ານໃຫ້ຫຼຸດໜ້ອຍຖອຍລົງຕາມລຳດັບ, ພາຍໃນບ້ານມີການຈັດຕັ້ງຄົບຊຸດ. ເຊິ່ງຜ່ານການລົງຕິດຕາມກໍ່ສ້າງຮາກຖານຕິດພັນກັບການແກ້ໄຊປະກົດການຫຍໍ້ທໍ້ໃນໄລຍະຜ່ານມາ ເຫັນໄດ້ວ່າບ້ານແດນສະຕື້ງ ແມ່ນມີສະຖຽນ ລະພາບທາງດ້ານການເມືອງ, ສັງຄົມມີສະຫງົບເປັນລະບຽບຮຽບຮ້ອຍໂດຍພື້ນຖານ ແລະພາຍໃນບ້ານແມ່ນມີຄວາມເຂັ້ມແຂງຂຶ້ນເທື່ອລະກ້າວ.

ຫຼັງຈາກນັ້ນ ກອງປະຊຸມຍັງໄດ້ມີການມອບໃບສັນລະເສີນຂອງທ່ານເຈົ້າເມືອງທ່າປາງທອງ ວ່າດ້ວຍການສັນລະເສີນບຸກຄົນ ແລະກົມກອງທີ່ມີຜົນງານຈຳນວນ 17 ສະຫາຍ ແລະໃບຊົມເຊີຍຊອງທ່ານຫົວໜ້າກອງບັນຊາການ ປກສ ເມືອງ ໃຫ້ຜູ້ທີ່ມີຜົນງານຈຳນວນ 23 ສະຫາຍ ຊຶ່ງໃຫ້ກຽດມອບຂອງທ່ານ ປະສົງ ຂົງຄຳ ຮອງເຈົ້າເມືອງທ່າປາງທອງ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

1.png8.png7.png0.png3.png
ມື້ນີ້58
ມື້ວານນີ້53
ອາທິດນີ້58
ເດືອນນີ້1336
ລວມທັງໝົດ18703
20 ພຶດສະພາ 2019