ພ​ຣະ​ທາດ​ອີງ​ຮັງ ຕັ້ງ​ຢູ່​ທີ່​ບ້ານ​ທາດອີງ​ຮັງ ເມືອງ​ໄກ​ສອນ ພົມ​ວິ​ຫານ ແຂວງ​ສະ​ຫວັນ​ນະ​ເຂດ, ຫ່າງ​ຈາກ​ເທດ​ສະ​ບານ​ເມືອງ 15 ກິ​ໂລ​ແມັດ ໄປ​ຕາມ​ສາຍ​ທາງ​ເລກ​ທີ 9 (ສະ​ຫວັນ-ເຊ​ໂນ)ພາຍ​ໃນບໍ​ລິ​ເວນ​ສະ​ຖານ​ທີ່​ປະ​ກອບ​ມີ​ເດີນ​ຈອດ​ລົດ​ໃຫຍ່-ລົດ​ຈັກ, ຮ້ານ​ຂາຍ​ເຄື່ອງ​ທີ່​ລະ​ນຶກ, ​ຮ້ານ​ຂາຍ​ອາ​ຫານ ແລະ​ ເຄື່ອງ​ດື່ມ.ກິດ​ຈະ​ກຳ​​ແມ່ນ​ການ​ນະ​ມັດ​ສະ​ການ​ພ​ຣະ​ທາດອີງ​ຮັງ ແລະ ທ່ອງ​ທ່ຽວ​ຊົມ​ສະ​ຖານ​ທີ່​ພາຍ​ໃນ​ວັດ.ມໍລະດົກແຫ່ງຊາດ, ປູຊະນິຍະສະຖານ ມິ່ງຂວັນ ຊາວແຂວງສະຫວັນນະເຂດຫຼັກຖານທາງຕຳນານ ແລະ

ອຸລັງຄະທາດພຣະທາດອີງຮັງສ້າງຂຶ້ນໃນສະໄໝອານາຈັກສີໂຄດຕະບອງຮຸ່ງເຮືອງປະມານ. 400 ເຊິ່ງໃນຄາວນັ້ນເປັນຣາຊະການຂອງພຣະເຈົ້າ ສຸມິດຕະທັມ ວົງສາ  ເຊິ່ງສ້າງຂຶ້ນຕາມຄຳແນະນໍາຂອງ ສະມະນະທູດ ທາງພຸດທະສາສະໜາແຫ່ງເມືອງກຸສິນາຣາຍຈາກອິນເດຍໃນສະໄໝພຣະເຈົ້າອະໂສກະຣາດທີ່ໄດ້ນໍາສາສະໜາພຸດມາເຜີຍແຜ່ໃນສຸວັນນະພູມປະເທດເປັນຄັ້ງທໍາອິດ.ທໍາອິດເພິ່ນໄດ້ສ້າງເປັນທາດກູ່: ​ເມື່ອສ້າງສໍາເລັດແລ້ວ ຈຶ່ງເຊີນພຣະສາຣິຣິກະທາດ ( ກະດູກສັນຫຼັງພຣະພຸທທະເຈົ້າ ) ຈາກກຸງຣາຊະຄຶກມາບັນຈຸໄວ້ໃນໂກນພຣະທາດ. ​ເພື່ອເປັນເຄື່ອງໝາຍແທນໃຫ້ແກ່ສະຖານທີ່ປະຣິນິພານຂອງພຣະພຸທທະອົງທີ່ປ່າໄມ້ຮັງ.ຕໍານານອຸລັງຄະທາດກ່າວວ່າ:​ ໃນສະໄໝພຸດທະການ; ພຣະສໍາມາສໍາພຸດທະເຈົ້າໄດ້ສະເດັດມາໂປຣດ ສັດໂລກແລະ ຮັບຣາທະນາສັນພັດຕະນທ່ຽງ ອີງຕົ້ນໄມ້ຮັງນະທີ່ນີ້, ພຣະເຈົ້າສຸມິດຕະທັມ ວົງສາ ຜູ້ປົກຄອງອານາຈັກສີໂຄດຕະບອງ ຈຶ່ງສ້າງພຣະທາດລູກນີ້ຂຶ້ນເພື່ອເປັນທີ່ລະນຶກແລະ ນັບຖື, ສະນັ້ນຈຶ່ງໃສ່ຊື່ວ່າ ພຣະທາດອີງຮັງ.​ 

     ເມື່ອເຖິງສະຕະວັດ ທີ 09 ອານາຈັກສີໂຄດຕະບອງເສື່ອມອໍານາດລົງ ຊົນຊາດຂອມໄດ້ມາມີອໍານາດແທນ.ພຣະທາດໄດ້ຖືກດັດແປງມາເປັນເທວະສະຖານຂອງສາສະໜາພຣາມລັດທິສິວະເທບ ຫຼື ຮິນດູພາຍໃຕ້ການນໍາຂອງພະເຈົ້າສຸມິນທາທິລາດລາຊາເຊິ່ງກໍ່ກວມທາດກູ່ທີ່ມີຢູ່ແລ້ວໂດຍສ້າງຂື້ນຕື່ມ ອີກຂັ້ນໜຶ່ງສ່ວນລວດລາຍປະດັບກໍ່ໄດ້ຄວດຕື່ມໃສ່ຕາມຄະຕິຄວາມເຊື່ອຂອງສາສະໜາພຣາມຄື: ເລື່ອງເມຖຸນສັງວາດ;ເທບນິຍາຍຣາມາຢານ;ຈາກນັ້ນລັກສະນະຂອງພຣະທາດເລີຍກາຍເປັນຜາສາດ ຫຼື ພຣະປາງຂອງຂອມບູຮານໄປ. ໃນຄາວນັ້ນເພິ່ນໄດ້ເອີ້ນວ່າ:ອິນທຣະຜາສາດແລ້ວອາດກາຍມາເປັນອີງຮັງໃນສະໄໝຊົນຊາດລາວເຮົາມີອໍານາດແທນຂອມ ເຊິ່ງເລີ່ມມາແຕ່ສະຕະວັດ ທີ 14.ມາເຖິງຣາຊະການພຣະເຈົ້າ ໂພທິສາຣາດ ແຫ່ງອານາຈັກລ້ານຊ້າງໄດ້ນໍາພາໄພ່ຟ້າປະຊາຊົນປະຕິສັງຂອນ ພຣະທາດພຣະນົມ, ພຣະທາດສີໂຄດຕະບອງ, ພຣະທາດອີງຮັງ,   ພຣະທາດໂຜ່ນຄືນໃໝ່.ປີຄ.1548 ພຣະໄຊຍະເສດຖາທິຣາຊ ເຈົ້າກະສັດແຫ່ງອານາຈັກລ້ານຊ້າງ ໄດ້ຕໍ່ເຕີມສີລະປະ ລາວລ້ານຊ້າງໃສ່ຊຸ້ມປະຕູເຂົ້າ    ແລະ  ເສີມຍອດດວງປີໃສ່ອົງພຣະທາດອີງຮັງດັດແປງໃຫ້ເປັນ ພຣະທາດທາງ ພຣະພຸດທະສາສະໜາ; ພຣະທາດກວ້າງດ້ານລະ 9 ແມັດ ສູງ 25 ແມັດ.ພຣະທາດນີ້ປະດິດສະຖານຢູ່ບ້ານທາດອີງຮັງ ຫ່າງຈາກຕົວເມືອງໄກສອນພົມວິຫານ ແຂວງ ສະຫວັນນະເຂດໄປທາງຕາເວັນອອກສຽງເໜືອ ຕາມເສັ້ນທາງເລກ 9   ສະຫວັນນະເຂດ ຫາເຊໂນ ປະມານ 12 ກມ ແລ້ວແວ່ເຂົ້າຂວາມືປະມານ 3 ກມ ຫຼື ອອກຈາກຖະໜົນໄກສອນພົມວິຫານ ຕໍ່ໜ້າອະນຸສອນສະຖານປະທານໄກສອນພົມວິຫານ ຜ່ານບ້ານບຶງວະ ແລະ ບ້ານດົງໜາກຢາງ ແລ້ວລ້ຽວຊ້າຍຈະໄປເຖິງພຣະທາດອີງຮັງ ປະມານ 11 ກມ.ເພີ່ນໄດ້ກຳນົດງານສະຫຼອງ ພຣະທາດອີງຮັງ ຂື້ນລະຫວ່າງເດືອນຈຽງເພັງ ຫຼື ລະຫວ່າງ ເດືອນທັນວາຂອງທຸກໆປີ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png2.png5.png1.png2.png
ມື້ນີ້84
ມື້ວານນີ້54
ອາທິດນີ້138
ເດືອນນີ້752
ລວມທັງໝົດ22512
16 ກໍລະກົດ 2019