ຕາມການບອກເລົ່າປາກຕໍ່ປາກ ສືບທອດກັນມາຫລາຍຍຸກຫລາຍສະໄໝ  ແລະ ປື້ມນິທານ ທີ່ຕົກທອດມາແຕ່ປູ່ຍ່າຕານາຍ, ລູງມະຫາກັນ ບ້ານເລົ່າໝາກຫູດ  ເມືອງໄຊພູທອງ ທີ່ເປັນເຈົ້າກວານເຈົ້າລ່າມ ຂອງເຮືອນຫີນໄດ້ບັນທຶກໄວ້ວ່າ: ສະໄໝອານາຈັກສີໂຄດຕະບູນເຮືອງອຳນາດ ໄດ້ມີຂຸນ ອັງຄະຣາດ ແລະ ອົມມະຣາດ ສອງອ້າຍນ້ອງນຳພາສ້າງຜາສາດເຮືອນຫີນຂຶ້ນລະຫວ່າງປີ ຄໍ ສໍ 557-700 ເພື່ອເປັນທີ່ເຄົາລົບນົບໄຫວ້ຂອງສາດສະໜາພາມ

 

        ຜາສາດເຮືອນຫີນໄດ້ຮັບການບູລະນະມາ 3 ໄລຍະຄື: ໄລຍະທີ 1 ສະໄໝຂອມເຮືອງອຳນາດ ເພື່ອເປັນຫໍບູຊາ ແລະ ບວງສວງບັນພະບູລຸດ, ໄລຍະ ທີ 2 ສະໄໝຣາສະການ ເຈົ້າໄຊຍະເສດຖາທິຣາດ ແຫ່ງອານາຈັກລ້ານຊ້າງ ເຊີ່ງເປັນສະໄໝສາສະໜາພຸດຮຸ່ງເຮືອງ ແລະ ໄລຍະທີ 3 ສະໄໝອານາຈັກລ້ານຊ້າງເສຍເອກະລາດ ປະຊາຊົນລາວຈຳນວນຫລວງຫລາຍຖືກກວາດຕ້ອນໄປຢູ່ໄທ, ທຸກສິ້ນສ່ວນຂອງຜາສາດເຮືອນຫີນ ແມ່ນສ້າງດ້ວຍຫີນທັງໝົດ ເຊິ່ງມີຂະໜາດນ້ອຍໃຫຍ່ແຕກຕ່າງກັນ ໂດຍອີງ ຕາມສ່ວນປະກອບແຕ່ລະຊິ້ນສ່ວນ. ດ້ານຕາເວັນອອກຂອງຜາສາດຫີນ ມີລານ (ກວ້າງ 21 ແມັດ, ຍາວ 24 ແມັດ), ດ້ານຕາເວັນຕົກ ມີລານ (ກວ້າງ13, 20 ແມັດ, ຍາວ 17, 50 ແມັດ), ທິດເໜືອ ແລະ ທິດໃຕ້ ຍາວ 85 ແມັດ, ແຕ່ສະເພາະຕົວເຮືອນຍາວ 16, 50 ແມັດ; ເພີ່ນຈັດງານນະມັດສະການຕາມປະເພນີໃນເດືອນ 4 ເພັງຂອງທຸກໆປີ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

1.png5.png1.png9.png1.png
ມື້ນີ້22
ມື້ວານນີ້66
ອາທິດນີ້354
ເດືອນນີ້1455
ລວມທັງໝົດ15191
23 ມີນາ 2019