ຝູງລິງມັນແມ່ນສັດ ທີ່ເຄິຍດຳລົງຊີວິດ ຕິດພັນກັບດົງແຫ່ງນີ້ມາຕັ້ງແຕ່ບູຮານນາການ ໂດຍບໍ່ມີຜູ້ໃດຈະໄຂປິດສະໜາກ່ຽວກັບເລື່ອງນີ້ໄດ້ ເພາະເຖົ້າແກ່ບູຮານເຄີຍບອກວ່າ ລີງນີ້ໄດ້ພົບເຫັນກ່ອນທີ່ຈະມີຄົນມາອາໄສຢູ່ແລ້ວ ມັນແມ່ນສັດທີ່ຢູ່ຄູ່ກັບດົງ, ມັນແມ່ນສັດທີ່ຊາວບ້ານເຄົາລົບຍຳເກັງ ເພາະເຊື່ອກັນວ່າຜູ້ໃດທຳຮ້າຍແກ່ລິງກໍ່ຄືບຸກຄົນທີ່ເນລະຄຸນ ຕໍ່ບັນດາ ບັນພະບູລຸດຜູ້ທີ່ເຄີຍດຳລົງຊີວິດຢູ່ກ່ອນ ແລະ ຕ້ອງເກິດໄພພິບັດຕ່າງໆຕໍ່ກັບຕົນເອງ ແລະ ຄອບຄົວ.

ອ່ານຕໍ່.....

      ອີງຕາມປະຫວັດຄວາມເປັນມາຂອງໜອງປາຝາ ບ້ານດອນແດງ ແມ່ນຕາມປະເພນີ ແລະ ຄວາມຊິນເຄີຍຂອງປະຊາຊົນທ້ອງຖິ່ນແລ້ວ ປາຝາເຫຼົ່ານີ້ແມ່ນບໍ່ມີໃຜແຕະຕ້ອງໄດ້ ເພາະຖືວ່າເປັນປາຜາທີ່ມີຄວາມສັກສິດຖ້າຫາກວ່າບັງເອີນມີຜູ້ທຳລາຍຈະຖືກອຸປະຕິເຫດ ຫຼື ເຈັບເປັນລົ້ມຕາຍໂລດ, ສະນັ້ນຈຶ່ງເຮັດໃຫ້ປາຝາຄຸ້ນກັບຄົນດີ, ເວລາແຂກ,  ຄົນທ່ອງທ່ຽວໄປຢ້ຽມຢາມເພິ່ນຈະມີເຂົ້າຕົ້ມ, ເຂົ້າໜົມໄປເກືອ ເຊິ່ງສາມາດຍ່າງເຂົ້າໄປຕາມຂົວຈົນເຖິງກາງໜອງໄດ້  ຜູ້ຊາຍ ຍັງສາມາດເຂົ້າໄປໄຫວ້ພະຢູ່ສິມກາງນ້ຳ ໄດ້ອີກ.

ອ່ານຕໍ່.....

      ທີ່ຕັ້ງ ແລະ ຈຸດພິເສດ ອ່າງສຸຍ ເມືອງຈຳພອນ ເປັນຊົນລະປະທານໃຫຍ່ແຫ່ງໜຶ່ງຂອງເມືອງ  ເຊິ່ງຢູ່  ລະຫວ່າງກາງຂອງບ້ານຕ່າງໆເຊັ່ນ: ທາງດ້ານເໜືອ ຕິດຈອດທົ່ງນາບ້ານດົງ, ເຜິ້ງທົ່ງ, ໂພນມ່ວງ,  ໜອງຫຍ້າມ້າ, ບຶງຕະຫຼຸງ ແລະ ດອນແດງ. ທາງດ້ານທິດໃຕ້ຕິດຈອດກັບທົ່ງນາບ້ານລຳພັນ,  ແກ້ງປູນ ແລະ ໂນນສີທັນ.ທາງດ້ານຕາເວັນອອກຕິດຈອດກັບທົ່ງນາ  ບ້ານຊະຄຶນ. ທາງຕາເວັນຕົກຕິດຈອດກັບທົ່ງນາ  ບ້ານ ໂພນທອງ, ດອນແຍງ, ດອນຂີ້ເຫຼັກ.

ອ່ານຕໍ່.....

     ແກ້ງສາມມັດແຕກຫ່າງຈາກຕົວເມືອງພີນໄປທາງທິດໃຕ້ ຕາມເສັ້ນທາງເລກທີ 23 ຂຶ້ນຫາຕາດໄຮ ແລ້ວແວ່ກ້ຳຊ້າຍທີ່ກິໂລແມັດທີ 32. ມຸ່ງໜ້າສູ່ສາຍເຊບັ້ງຫຽງ ປະມານ 2 ກິໂລແມັດກວ່າ .    ເຊິ່ງເປັແຫຼ່ງທ່ອງທ່ຽວທາງທຳມະຊາດ.ມີນ້ຳໃສໄຫຼເຢັນຕະຫຼອດປີ.ຢູ່ແຄມຝັ່ງສອງຂ້າງແກ້ງແຫ່ງນີ້ມີພຶກສາຊາດນາໆຊະນິດ. ຕົ້ນໄມ້ທີ່ມີລາຄາສູງ, ສັດປ່າແລະປາຫາຍາກປະເພດຫວງຫ້າມຫລາຍຊະນິດ.ເປັນເຂດສະຫງວນສັດປ່າແລະສັດນ້ຳ    ຂອງແຂວງສະຫວັນນະເຂດທີ່ຍັງຄົງຄວາມອຸດົມສົມບູນ.

ອ່ານຕໍ່.....

      ເຂດປ່າສະຫງວນໜອງລົ່ມ - ດົງນາຕາດ ມີເນື້ອທີ່ 8,300 ຮຕ, ຢູ່ຫ່າງຈາກຕົວເມືອງ12 ກມ, ຕາມເສັ້ນທາງເລກ 9 ສະຫວັນນະເຂດ - ເຊໂນເຊິ່ງມີການອອກແບບຈັດສັນຮູບຂອງການພັດທະນາໃຫ້ເປັນແຫຼ່ງທ່ອງທ່ຽວທຳມະຊາດທີ່ຈະສ້າງເປັນເຂດບໍລິການການພັກຜ່ອນ, ເຂດກິລາ ແລະ ເຂດຈັດສັນກິດຈະກຳການຍ່າງປ່າຫຼືຂີ່ລົດຖີບທ່ຽວຊົມທຳມະຊາດ, ສຶກສາປ່າໄມ້ ແລະ ສັດປ່ານາໆພັນທ່ມີຢູ່ຢ່າງອຸດົມສົມບູນ.

ອ່ານຕໍ່.....

ທີ່ຕັ້ງ: ບ້ານແກ້ງລີ້ນ, ເມືອງນອງ, ໄລຍະຫ່າງຈາກຕົວເມືອງ: 20 ກິໂລແມັດ. ໃນປີ 19541968 ໄດ້ມີຊົນເຜົ່າລາວເທິງ, ເຜົ່າເຕຼຍ ພາກັນເດີນທາງ ມາຈາກຈີນ ພ້ອມກັນ ມາຕັ້ງຖິ່ນຖານ ຢູ່ທີ່ໃນເຂດປ່າແຫ່ງໜຶ່ງ, ຢູ່ມາໄລຍະໜຶ່ງ  ຊາວບ້ານໄດ້ຍິນສຽງດັງກ້ອງ ທີ່ແປກປະຫລາດ ໃກ້ໆກັບໜູ່ບ້ານ; ດັ່ງນັ້ນພວກເຂົາຈຶ່ງໄດ້ພາກັນໄປເບິ່ງ ພໍເມື່ອໄປຮອດ ກໍ່ໄດ້ພົບເຫັນ ກ້ອນຫີນກ້ອນໜຶ່ງໃຫຍ່ ແລະ ຍາວ ຢູ່ໃນແມ່ນໍ້າ ເຊິ່ງມີລັກສະນະຄ້າຍຄືລີ້ນ ຄວາມໜາປະມານ 30 ຊັງຕີແມັດ, ຍາວປະມານ 6 ແມັດ

ອ່ານຕໍ່.....

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

2.png2.png5.png1.png1.png
ມື້ນີ້83
ມື້ວານນີ້54
ອາທິດນີ້137
ເດືອນນີ້751
ລວມທັງໝົດ22511
16 ກໍລະກົດ 2019