ເບື້ອງຕົ້ນໃນການຄົ້ນພົບ ແມ່ນທ່ານ ຊຮ ໂຮບເຟ ( Josue-H-Hoffet ) ເພີ່ນເປັນນັກຊ່ຽວຊານດ້ານທໍລະນີສາດ ຂອງຝລັ່ງເສດ ໄດ້ມາສຳຫຼວດ    ແລະ    ພົບເຫັນ ກະດູກໄດໂນເສົາ ທີ່ບ້ານຕັ່ງຫວາຍ ເມືອງຊົນບູລີ  ແຂວງສະຫວັນນະເຂດ ໃນປີ 1936 .      ໂດຍສືບຕໍ່ວຽກງານດັ່ງກ່າວມາເຖິງສົກປີ 1990 ທາງອົງການຈັດຕັ້ງຂອງຝ່າຍລາວ  ໂດຍແມ່ນກະຊວງຖະແຫຼງຂ່າວ ແລະ ວັດທະນະທຳ , ອົງການວິທະຍາສາດເຕັກໂນໂລຢີ  ແລະ ສິ່ງແວດລ້ອມ ພ້ອມດ້ວຍການນຳຂອງແຂວງສະຫວັນນະເຂດ,

     

      ຕົກລົງເຫັນດີ ແລະ ລະດົມເອົາທຶນຮອນ ແລະ      ນັກວິຊາການຈຳນວນ ໜຶ່ງ ຂອງສະຖາບັນພິພິດຕະພັນ ປະຫວັດສາດທຳມະຊາດຝລັ່ງ ມາສົມທົບກັບວິຊາການລາວ    ເພື່ອລົງສຳຫຼວດວຽກງານຂຸດຄົ້ນ ຕາມແຫຼ່ງຕ່າງໆທີ່ໄດ້ກ່າວມາ ນັ້ນ .

          - ໃນປີ 1991 -1995  ຄະນະຂຸດຄົ້ນຊາກກະດູກສັດບູຮານດຶກດຳບັນລາວ - ຝລັ່ງໄດ້ເລີ່ມລົງມືປະຕິບັດ ຂຸດຄົ້ນໃນຂອບເຂດບ້ານຕັ່ງຫວາຍ ແລະ ບ້ານລຳທວາຍເມືອງຊົນບູລີ ແຂວງສະຫວັນນະເຂດ .         - ໃນປີ 1996 - 1697 ວຽກງານຂຸດຄົ້ນຊາກກະດູກ ສັດບູຮານດຶກດຳບັນດັ່ງກ່າວ ທາງກະຊວງຖະແຫຼງຂ່າວ ແລະ ວັດທະນະທຳ,   ໄດ້ເຫັນດີຕົກລົງ

ໂອນມອບວຽກດັ່ງກ່າວ   ໃຫ້ອົງການວິທະຍາສາດເຕັກໂນໂລຢີ ແລະ ສິ່ງແວດລ້ອມ  ເປັນຜູ້ຄຸ້ມຄອງ ແລະ ສືບຕໍ່ຄົ້ນຄ້ວາຕໍ່ໄປຈົນເຖິງປັດຈຸບັນນີ້.

          ແລ້ວມາຮອດປີ 1993 ກໍ່ມີນັກຄົ້ນຄ້ວາ ຮ່ອງຮອຍຕິນໄດໂນເສົາ ສັດຮ້ອບລ້ານປີ ແລະ ສາກກະດູກສັດ ດຶກດຳບັນຝລັ່ງ ລາວເຊີ່ງນຳໂດຍທ່ານ ສາດສະດາຈານຊື່ ດຣ ຟີລີບຕັກເກ (PROTE SSEOR Drphi Lippe  TAQuET ) ພ້ອມຄະນະຈາກພິພິດຕະພັນ ປະຫວັດສາດ ທຳມະຊາດ .

          ທ່ານ  ພູວົງ  ໄຊຍະລາດ   ມາຈາກອົງການວິທະຍາສາດ ເຕັກໂນໂລຢີ ສິ່ງແວດລ້ອມ ທີ່ວຽງຈັນ, ທ່ານ ໂພສີແກ້ວ  ທຳວິສິດ , ທ່ານ ບູນຊູ ເຄນນນະວົງ ຈາກພະແນກຖະແຫຼງຂ່າວ   ແລະ  ວັດທະນະທຳ ແຂວງສະຫວັນນະເຂດ  ແລະ  ທ່ານ ບຸນໂຮມ  ພະສະຖານ ຈາກເມືອງພະລານໄຊ  ໄດ້ຄົ້ນພົບຮອຍຕີນໄດໂນເສົາ ໃນປີ 1993 ຊຶ່ງກ່ອນໜ້ານີ້ປະມານເກືອບ 60 ປີ ນັກທໍລະນີສາດຈາກຝລັ່ງ ໄດ້ມາພົບພໍ້ເທື່ອທຳອິດຢູ່ສະຖານທີ່ ແກ້ງຫຼວງ ເມືອງພະລານໄຊ ຈຸດ 16;39 ເໜືອ ແລະ 105; 33 ຕາເວັນອອກ .

          - ຜ່ານການສຶກສາຄົ້ນຄ້ວາຢ່າງລະອຽດ ໄດ້ພົບຮອຍຕີນໄດໂນເສົາ ຈຳນວນ 61 ຮອຍຕິນ ຢູ່ໃນຊົ້ນ ຫີນສາມຊັ້ນ ທີ່ແຕກຕ່າງກັນ ຍັງຢັ້ງຢາຍຢູ່ຕາມແຄມ ເຊຊັງຊອຍ   ແກ້ງຫຼວງໂດຍແຍກປະເພດສັດດັ່ງນີ້:

          - ມີ 13 ຮອຍໄດໂນເສົາ 2 ຕີນ ຊະນິດກິນຊີ້ນ ຢູ່ດ້ານລຸ່ມ  ແລະ  2 ຮອຍ ຢູ່ດ້ານເທິງມຸ້ງໄປທາງທິດຕາເວັນອອກຊ່ຽງເໜືອ.

          - ມີ 8 ຮອຍສັດ 2 ຕີນຊະນິດກິນພືດ ( ຫຍ້າ ) ແລະ 38 ຮອຍຕີນໄດໂນເສົາ 4   ຕີນຊະນິດກິນຊີ້ນຢູ່ຝັ່ງຕາເວັນ ຕົກຂອງເຊມຸ້ງໜ້າໄປທາງທິດໄຕ້ດ້ານກາງ ,  ຄວາມສຳພັນລະຫວ່າງບາດຢ່າງຂອງສັດເພີ່ນສາມາດຄິດໄລ່ຄວາມໄວໄດ້  5 Km ຕໍ່ຊົ່ວໂມງສຳລັບສັດ 2 ຕີນ ແລະ 6 Km ຕໍ່ຊົ່ວໂມງສຳລັບສັດ 2 ຕີນຊະນິດກິນພືດນີ້ແມ່ນການຄົ້ວພົບມີຈຳນວນຮອຍຕີນຫຼວງຫຼາຍເທົ່າທີ່ໄດ້ຄົົ້ນພົບມາແລ້ວໃນໂລກ.ຂອບເຂດເມືອງພະລານໄຊ ໄດ້ຄົ້ນພົບເຫັນຮອຍຕິນໄດໂນເສົາ ສອງ ຊະນິດ ທີ່ແກ້ງຫຼວງ ເຊຊັງ

ຊອຍຄື : ໄດໂນເສົາຊະນິດ 2 ຕີນກິນຊີ້  ຊື່ວ່າ: ເຕໂຣປົດ ( Theropodes ) ໄດໂນເສົາຊະນິດ 4 ຕີນ ກິນພືດຊື່ວ່າ: ໂຊໂລປົດ ( Sauropodes) .

ຂອບເຂດດັ່ງກ່າວຍັງໄດ້ຄົ້ນພົບເຫັນໄມ້ກາຍເປັນຫີນອີກດ້ວຍ,   ທ່ອນໄມ້ເປັນຫີນ ແລະ  ຮອຍຕີນໄດໂນ ເສົາ, ໄດ້ລໍ່ເປັນຮູບທຽມ, ເອົາມາໄວ້ທີ່ຫ້ອງການວິທະຍາສາດ ສະຫວັນນະເຂດ ແລ້ວ.

ເຂດເສດຖະກິດພິເສດ ສຫວັນ-ເຊໂນ

ສາຍດ່ວນແຈ້ງເຫດສຸກເສີນ

ແຜນທີ່ ແຂວງສະຫວັນນະເຂດ

ຜູ້ເຂົ້າຊົມເວັບໄຊ໌

1.png5.png1.png9.png1.png
ມື້ນີ້22
ມື້ວານນີ້66
ອາທິດນີ້354
ເດືອນນີ້1455
ລວມທັງໝົດ15191
23 ມີນາ 2019